ზრდის ჰორმონის (GH) მაღალი მაჩვენებელი შესაძლოა გამოვლინდეს შემდეგ შემთხვევებში:

• ჰიპოფიზის ჰორმონ-მაპროდუცირებელი სიმსივნე (ადენომა);

• აკრომეგალია (მოზრდილებში GH-ის ჭარბი პროდუქცია, რომელიც ძვლების ჰიპერტროფიას იწვევს);

• გიგანტიზმი (ბავშვებში GH-ის ჭარბი პროდუქცია ზრდის პერიოდში);

• დეკომპენსირებული შაქრიანი დიაბეტი;

• თირკმლის ქრონიკული უკმარისობა;

• ხანგრძლივი შიმშილი, ნუტრიციული დარღვევები (მაგ. ანორექსია).

GH-ის დაბალი მაჩვენებელი შესაძლოა გამოვლინდეს შემდეგ შემთხვევებში:

• GH-ის დეფიციტი (ჰიპოფიზის მიერ ჰორმონის არასაკმარისი პროდუქცია);

• ჰიპოფიზის უკმარისობა (ჰიპოპიტუიტარიზმი);

• ჰიპოფიზის დამაზიანებელი მდგომარეობები - სიმსივნე, ქალასშიდა ტრავმა, ჰიპოფიზიტი ან რადიაცია.

შედეგის ინტერპრეტაციის თავისებურებები:

• GH-ის პულსატორული სეკრეციის გამო ერთჯერადი დაბალი მაჩვენებელი შესაძლოა ნორმალურ ფიზიოლოგიურ მდგომარეობას ასახავდეს და არ ნიშნავდეს დეფიციტს;

• დიაგნოზის დასადასტურებლად, როგორც წესი, საჭიროა სტიმულაციური ან სუპრესიული დინამიკური ტესტი და IGF-1-ის განსაზღვრა.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• სომატომედინ C, IGF-1-ის განსაზღვრა სისხლში;

• სომატომედინი, IGF-BP 3-ის განსაზღვრა სისხლში;

• გლუკოზის ტოლერანტობის ტესტი, 75 გ-იანი დატვირთვა (OGTT 75 g);

• თირეოტროპული ჰორმონის განსაზღვრა სისხლში (TSH);

• თიროქსინის თავისუფალი ფრაქციის განსაზღვრა სისხლში (FT4);

• კორტიზოლის განსაზღვრა სისხლში (Cortisol);

• ადრენოკორტიკოტროპული ჰორმონის განსაზღვრა სისხლში (ACTH);

• პროლაქტინის განსაზღვრა სისხლში (PRL);

• მალუთეინიზებელი ჰორმონის განსაზღვრა სისხლში (LH);

• ფოლიკულომასტიმულირებელი ჰორმონის განსაზღვრა სისხლში (FSH).

გამოყენებული წყაროები:

• medlineplus.gov - Growth hormone suppression test

• testing.com - Growth Hormone

• ncbi.nlm.nih.gov - Diagnosing Growth Hormone Deficiency in Adults

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.