აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo)

ფასი: 30 ₾

კვლევის შესახებ

აივ-ის (HIV) ანტისხეულებისა და p24 ანტიგენის კომბინირებული კვლევა (HIV Ag/Ab Combo) არის მე-4 თაობის სკრინინგული ტესტი, რომელიც ერთდროულად ავლენს ადამიანის იმუნოდეფიციტის ვირუსის (HIV-1 და HIV-2) საწინააღმდეგო ანტისხეულებსა და ვირუსის p24 ანტიგენს.

p24 არის ვირუსის ბირთვის სტრუქტურული ცილა, რომელიც სისხლში ჩნდება ინფექციის ადრეულ ეტაპზე - ანტისხეულების გამომუშავებამდე. ანტისხეულები კი ორგანიზმის მიერ წარმოიქმნება ინფიცირებიდან რამდენიმე კვირაში (სეროკონვერსიის პერიოდი).

p24 ანტიგენისა და ანტისხეულების ერთდროული განსაზღვრის წყალობით, მე-4 თაობის ტესტი ამცირებს ე.წ. „ფანჯრის პერიოდს“ და ინფექციის გამოვლენის საშუალებას იძლევა უფრო ადრე, ვიდრე მხოლოდ ანტისხეულების განმსაზღვრელი ძველი თაობის ტესტები. ტესტს აქვს მაღალი ანალიტიკური მგრძნობელობა და სპეციფიკურობა. იგი სკრინინგული ხასიათისაა - დადებითი (რეაქტიული) შედეგი ყოველთვის საჭიროებს დადასტურებას სპეციალიზებული დამადასტურებელი კვლევებით.

რა შემთხვევაში უნდა ჩაიტაროთ კვლევა?

კვლევის ჩატარება რეკომენდებულია შემდეგ შემთხვევებში:

• HIV ინფექციის სკრინინგი (მათ შორის პროფილაქტიკური);

• შესაძლო ექსპოზიციის (დაუცველი სქესობრივი კონტაქტი, საერთო ნემსები, პროფესიული ექსპოზიცია) შემდეგ;

• მწვავე HIV ინფექციის სიმპტომების დროს (ცხელება, ლიმფური კვანძების გადიდება, ყელის ტკივილი, გამონაყარი გრიპისმაგვარი მდგომარეობის ფონზე);

• ორსულობის პერიოდში;

• სხვა სქესობრივი გზით გადამდები ინფექციების (მაგ., B/C ჰეპატიტი, სიფილისი) გამოვლენისას;

• დონორთა (სისხლის, ორგანოს, სპერმის) სკრინინგისას;

• PrEP/PEP (პრე- ან პოსტ-ექსპოზიციური პროფილაქტიკის) დაწყებამდე და მონიტორინგისას.

ინტერპრეტაცია

დადებითი (რეაქტიული) შედეგი მიუთითებს, რომ სისხლში გამოვლინდა HIV-ის საწინააღმდეგო ანტისხეულები ან/და p24 ანტიგენი. ეს მოითხოვს აუცილებელ დადასტურებას სპეციალიზებული დამადასტურებელი ტესტებით (HIV-1/HIV-2 დიფერენცირების ტესტი, HIV RNA - ვირუსის რაოდენობრივი განსაზღვრა), ვინაიდან სკრინინგულ ტესტს ცალკეულ შემთხვევებში შესაძლოა ჰქონდეს ცრუ-დადებითი შედეგი.

უარყოფითი (არარეაქტიული) შედეგი ჩვეულებრივ მიუთითებს HIV ინფექციის არარსებობაზე. თუმცა, თუ კვლევა ჩატარდა ე.წ. „ფანჯრის პერიოდში“ (ინფიცირებიდან ანტიგენისა და ანტისხეულების გამოვლენამდე), შედეგი შესაძლოა იყოს ცრუ-უარყოფითი. ამიტომ, ბოლოდროინდელი შესაძლო ექსპოზიციის შემთხვევაში რეკომენდებულია კვლევის გამეორება შესაბამისი ინტერვალის შემდეგ.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

კვლევასთან ერთად ასევე ხშირად იტარებენ შემდეგ გამოკვლევებს:

• C ჰეპატიტის ვირუსის საწინააღმდეგო ანტისხეულების განსაზღვრა სისხლში (anti-HCV);

• B ჰეპატიტის ვირუსის ზედაპირული ანტიგენის განსაზღვრა სისხლში (HBsAg);

• Treponema pallidum-ის (სიფილისი) საწინააღმდეგო ანტისხეულების განსაზღვრა შრატში (anti-Treponema pallidum);

• RPR, რაოდენობრივი;

• HIV RNA - ვირუსის რაოდენობრივი განსაზღვრა სისხლში (viral load);

• CD4/CD8 ლიმფოციტების სუბპოპულაციების განსაზღვრა;

• სისხლის საერთო ანალიზი, ედს (CBC+ESR);

• ღვიძლის ფუნქციური სინჯები (ALT, AST, GGT, ALP, TBIL, DBIL).

როგორ მოვემზადოთ კვლევისთვის?

კვლევისთვის სპეციალური მომზადება არ არის საჭირო.

ტესტის მეთოდოლოგია

"Alinity i (Abbott, USA)- chemiluminescent microparticle immunoassay (CMIA) - ავტომატური იმუნოლოგიური ანალიზატორი ADVIA Centaur® XPT (Siemens Healthiness, Germany) - direct chemiluminescence methodology - ავტომატური იმუნოლოგიური ანალიზატორი"

მასალის ტიპი

• სისხლი (შრატი)

კვლევის შესრულების დრო

5 საათი

ქვეყანა

საქართველო

ავტორი და წყარო

გამოყენებული წყაროები:

• medlineplus.gov - HIV Screening Test

• hiv.uw.edu - HIV Diagnostic Testing (National HIV Curriculum)

• pubmed.ncbi.nlm.nih.gov - Combination assay detecting HIV p24 antigen and anti-HIV antibodies

• ანა მაღრაძე - მოლეკულური გენეტიკისა და ციტოგენეტიკის განყოფილება;

• ნინო ღულათავა - სამედიცინო დირექტორი;

• ლევან არჯევანიძე - კომერციული დირექტორი.

კვლევის კატეგორია

მოლეკულური და უჯრედული დიაგნოსტიკა