17-OHP-ის მატება ძირითადად მიუთითებს თანდაყოლილ ადრენალურ ჰიპერპლაზიაზე (CAH), განსაკუთრებით 21-ჰიდროქსილაზას დეფიციტზე. მაჩვენებლის მკვეთრი მატება ჩვეულებრივ კლასიკურ ფორმას შეესაბამება, ხოლო ზომიერი მატება - არაკლასიკურ (გვიანი გამოვლენის) ფორმას.

17-OHP-ის ზომიერად მომატებული მაჩვენებლის შემთხვევაში ექიმმა შესაძლოა დანიშნოს დამატებითი კვლევა - ACTH-ის სტიმულაციური ტესტი - დიაგნოზის დასაზუსტებლად.

17-OHP-ის მატება შესაძლოა აღინიშნებოდეს თირკმელზედა ჯირკვლის ან საკვერცხის ზოგიერთი ნეოპლაზიის ფონზეც.

17-OHP-ის დონე ნორმის ფარგლებში ჩვეულებრივ მიუთითებს CAH-ის დაბალ ალბათობაზე.

მნიშვნელოვანია, რომ 17-OHP-ის დონეზე გავლენას ახდენს ასაკი, სქესი, დღის დრო (ჰორმონის დონე დილით უფრო მაღალია), ხოლო ახალშობილებში - დღენაკლულობა და მძიმე ზოგადი მდგომარეობა. ამიტომ შედეგი ყოველთვის ფასდება ამ ფაქტორებისა და კლინიკური სურათის გათვალისწინებით.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის ანამნეზთან და სხვა გამოკვლევებთან ერთად.

• ადრენოკორტიკოტროპული ჰორმონის განსაზღვრა სისხლში (ACTH);

• კორტიზოლის განსაზღვრა სისხლში (Cortisol);

• დეჰიდროეპიანდროსტერონ სულფატის განსაზღვრა სისხლში (DHEA-S);

• ტესტოსტერონის განსაზღვრა სისხლში (Testosterone);

• პროგესტერონის განსაზღვრა სისხლში (PROG);

• მალუთეინიზებელი ჰორმონის განსაზღვრა სისხლში (LH);

• ფოლიკულომასტიმულირებელი ჰორმონის განსაზღვრა სისხლში (FSH).

გამოყენებული წყაროები:

• medlineplus.gov - 17-Hydroxyprogesterone

• medlineplus.gov - 17-OH progesterone

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.