კვლევის შესახებ
<p> D-დიმერი არის ცილის ფრაგმენტი, რომელიც წარმოიქმნება სისხლში თრომბის დაშლის პროცესის შედეგად. იგი წარმოადგენს ფიბრინოგენის დეგრადაციის საბოლოო პროდუქტს. მისი განსაზღვრა გამოიყენება ორგანიზმში მიმდინარე თრომბოზული პროცესების გამოვლენისა და რისკის შესაფასებლად. D-დიმერის კვლევა წარმოადგენს ერთ-ერთ ყველაზე მგრძნობიარე ლაბორატორიულ მარკერს სისხლის შედედებისა და ფიბრინოლიზის სისტემის აქტივობის შესაფასებლად.</p>
რა შემთხვევაში უნდა ჩაიტაროთ კვლევა?
<p> კვლევის ჩატარება რეკომენდებულია:</p><p> </p><p> • ღრმა ვენების თრომბოზის ეჭვის მიტანისას (ფეხის ტკივილი, შეშუპება);</p><p> • ფილტვის ემბოლიის სიმპტომების არსებობისას (ქოშინი, გულმკერდის ტკივილი);</p><p> • უეცარი სუნთქვის გაძნელების დროს;</p><p> • ოპერაციის ან ტრავმის შემდეგ;</p><p> • ორსულობის დროს (ექიმის რეკომენდაციით);</p><p> • კოაგულაციური მდგომარეობების მონიტორინგისთვის.</p>
როგორ მოვემზადოთ კვლევისთვის?
<p> სპეციფიკური მომზადება არ არის საჭირო.</p>
კვლევის შესრულების დრო
4 საათი
