ლიპიდების განსაზღვრა სისხლის შრატში (TCHOL, TG ,LDL-CHOL, HDL-CHOL, VLDL-CHOL, AI)

კვლევის შესახებ

დაბალი სიმკვრივის ლიპოპროტეინების ქოლესტერინი (LDL-CHOL, Low-Density Lipoprotein Cholesterol) წარმოადგენს ქოლესტერინის ერთ-ერთ ძირითად ფრაქციას სისხლში და ცნობილია, როგორც "ცუდი" ქოლესტერინი. ქოლესტერინი ცხიმოვანი ნივთიერებაა, რომელიც აუცილებელია უჯრედული მემბრანების, ჰორმონების (განსაკუთრებით სასქესო ჰორმონების და კორტიკოსტეროიდების), D ვიტამინისა და ნაღვლის მჟავების სინთეზისთვის. LDL ცილოვანი ნაწილაკია, რომელიც სისხლის ნაკადით ახორციელებს ქოლესტერინის ტრანსპორტირებას ღვიძლიდან პერიფერიული ქსოვილებისკენ. ჭარბი LDL-ქოლესტერინი ხანგრძლივი დროით სისხლში დაგროვების შემთხვევაში დეპონირდება არტერიების კედლებში, წარმოქმნის ათეროსკლეროზულ ფოლაქებს, რაც იწვევს არტერიების შევიწროებას (სტენოზი) და ზრდის გულ-სისხლძარღვთა დაავადებების, გულის იშემიური დაავადების, მიოკარდიუმის ინფარქტისა და ინსულტის რისკს. LDL-ქოლესტერინი არის გულ-სისხლძარღვთა რისკის შეფასების მთავარი მაჩვენებელი საერთაშორისო კარდიოლოგიური რეკომენდაციების მიხედვით. ლიპიდური პროფილის ფარგლებში ხორციელდება მისი განსაზღვრა საერთო ქოლესტერინთან, HDL-ქოლესტერინთან, VLDL-ქოლესტერინთან და ტრიგლიცერიდებთან ერთად.

რა შემთხვევაში უნდა ჩაიტაროთ კვლევა?

კვლევის ჩატარება რეკომენდებულია: • კარდიოვასკულარული რისკის შეფასება და სკრინინგი (20 წლიდან რეკომენდებულია 4-6 წელიწადში ერთხელ, რისკის ჯგუფებში - უფრო ხშირად);• გულის იშემიური დაავადება, სტენოკარდია, მიოკარდიუმის ინფარქტი ანამნეზში;• ინსულტი ან ცერებროვასკულარული პათოლოგია;• პერიფერიული არტერიების დაავადება;• ჰიპერტენზია;• შაქრიანი დიაბეტი (1 და 2 ტიპი);• ჭარბი წონა და სიმსუქნე;• მეტაბოლური სინდრომი;• თირკმლის ქრონიკული დაავადება;• ფარისებრი ჯირკვლის ჰიპოფუნქცია - ჰიპოთირეოზი;• ოჯახური ჰიპერქოლესტერინემიის ან ადრეული გულის დაავადების დატვირთული გენეტიკა;• ჰიპოლიპიდემიური თერაპიის (სტატინების) ეფექტურობის მონიტორინგი;• თამბაქოს მოხმარება;• ალკოჰოლის ჭარბი მოხმარება;• ფიზიკური აქტივობის დეფიციტი;• 40 წელზე უფროსი ასაკი (განსაკუთრებით კაცებში) ან მენოპაუზის შემდგომი პერიოდი ქალებში.

როგორ მოვემზადოთ კვლევისთვის?

• რეკომენდებულია უზმოდ ყოფნა. ბოლო 9-12 საათის განმავლობაში არ მიიღოთ საკვები და კალორიული სასმელი (წყლის მიღება დაშვებულია); • კვლევის ჩატარებამდე 24 საათის განმავლობაში თავი შეიკავეთ ალკოჰოლის მიღებისგან; • კვლევამდე 24 საათით ადრე თავი აარიდეთ ინტენსიურ ფიზიკურ დატვირთვას და ცხიმებით მდიდარ კვებას; • ოპტიმალურია სისხლის აღება დილის საათებში; • ექიმთან შეათანხმეთ მიმდინარე მედიკამენტოზური თერაპია, განსაკუთრებით ჰიპოლიპიდემიური პრეპარატები;

კვლევის მეთოდოლოგია

ADVIA Chemistry XPT (Siemens Healthiness, Germany) – photometric methodology- ავტომატური ბიოქიმიური ანალიზატორი

კვლევის შესრულების დრო

3 საათი