ადამიანის ადენოვირუსის დნმ-ის აღმოჩენა სისხლში, თვისობრივი ანალიზი,CITO

ფასი: 150 ₾

კვლევის შესახებ

ადამიანის ადენოვირუსი (HAdV) ორჯაჭვიანი დნმ-შემცველი ვირუსია, რომელიც კლასიფიცირდება 7 სახეობად (A-G) და 100-ზე მეტ ტიპად. ვირუსი იწვევს სხვადასხვა სისტემის ინფექციებს: სასუნთქი ორგანოების, კუჭ-ნაწლავის ტრაქტის, თვალის (კონიუნქტივის) და სხვა.

ჯანმრთელ ადამიანებში ინფექცია ჩვეულებრივ კეთილთვისებიანად მიმდინარეობს, თუმცა იმუნოდეფიციტურ პაციენტებში, განსაკუთრებით ორგანოთა გადანერგვის შემდეგ, შეიძლება გამოიწვიოს სერიოზული გართულებები.

ვირუსი გადაიცემა ჰაერ-წვეთოვანი გზით (სასუნთქი ინფექციები), ფეკალურ-ორალური გზით (კუჭ-ნაწლავის ინფექციები) და პირდაპირი კონტაქტით (კონიუნქტივიტი).

რა შემთხვევაში უნდა ჩაიტაროთ კვლევა?

კვლევის ჩატარება რეკომენდებულია შემდეგ შემთხვევებში:

• ცხელებისა და ყელის ტკივილის დროს;

• ხველის, სურდოს, ბრონქიტის დროს;

• კონიუნქტივიტის (თვალის ანთების) დროს;

• გასტროენტერიტის (გულისრევის, ღებინების, დიარეის) დროს;

• ცისტიტის (შარდის ბუშტის ანთების) დროს;

• პნევმონიის დროს;

• ჰეპატიტის დროს;

• ენცეფალიტის დროს;

• ორგანოთა გადანერგვის შემდგომ მდგომარეობისას (მათ შორის ძვლის ტვინის ტრანსპლანტაცია).

ინტერპრეტაცია

ადენოვირუსის დნმ-ის აღმოჩენა სისხლში შესაძლოა მიუთითებდეს:

• დისემინირებული (განფენილი) ადენოვირუსული ინფექცია;

• ვირემია (ვირუსი სისხლში) - განსაკუთრებით მნიშვნელოვანი იმუნოდეფიციტურ პაციენტებში;

• ვირუსული დატვირთვის მონიტორინგი ტრანსპლანტაციის შემდეგ.

გაითვალისწინეთ, რომ კვლევის შედეგი უნდა შეფასდეს მკურნალი ექიმის მიერ.

კვლევასთან ერთად ასევე ხშირად იტარებენ შემდეგ გამოკვლევებს:

• სისხლის საერთო ანალიზი, ედს (CBC+ESR);

• CMV, ციტომეგალოვირუსის დნმ-ის აღმოჩენა სისხლში;

• EBV, ებშტეინ-ბარის ვირუსის დნმ-ის აღმოჩენა ბიოლოგიურ მასალაში;

• ღვიძლის ფუნქციური ტესტები (ALT, AST, Bilirubin);

• BK ვირუსის დნმ-ის აღმოჩენა (PCR).

როგორ მოვემზადოთ კვლევისთვის?

სპეციფიური მომზადება არ არის საჭირო.

ტესტის მეთოდოლოგია

ადამიანის ადენოვირუსის დნმ-ის გამოვლენა . ანალიზი ეფუძნება რეალურ დროში პოლიმერაზული ჯაჭვური რეაქციის(PCR) მეთოდს, პროდუქტის გაძლიერებული ფლუორესცენტური გამოვლენით.

მასალის ტიპი

• სისხლი • თვალის ნაცხი

კვლევის შესრულების დრო

24 საათი

ქვეყანა

საქართველო

ავტორი და წყარო

გამოყენებული წყაროები:

• cdc.gov - Laboratory Testing for Adenovirus

• ncbi.nlm.nih.gov (PMC) - Evaluation of a Semiautomated System for the Quantitation of Human Adenovirus DNA from Clinical Samples

• ncbi.nlm.nih.gov (PMC) - Multiplexed, Real-Time PCR for Quantitative Detection of Human Adenovirus

• ანა მაღრაძე, MD - მოლეკულური გენეტიკისა და ციტოგენეტიკის განყოფილება;

• ნინო ღულათავა - სამედიცინო დირექტორი;

• ლევან არჯევანიძე - კომერციული დირექტორი.

კვლევის კატეგორია

მოლეკულური და უჯრედული დიაგნოსტიკა