ბიოფსიური მასალის ჰისტოპათოლოგიური დასკვნა წარმოადგენს დიაგნოსტიკური კვლევის საბოლოო დოკუმენტს, რომელიც აღწერს ქსოვილის მიკროსკოპულ მორფოლოგიას და აყალიბებს კლინიკურ დიაგნოზს. პათომორფოლოგიური დასკვნა, როგორც წესი, კლასიფიცირდება შემდეგი კატეგორიების მიხედვით:

ნორმა: ქსოვილის არქიტექტონიკა და უჯრედული მორფოლოგია შეესაბამება ფიზიოლოგიურ ნორმას; პათოლოგიური ან ნეოპლაზიური ცვლილებები არ ფიქსირდება.

კეთილთვისებიანი ცვლილებები:

• ანთებითი ან სპეციფიკური ინფექციური პროცესი;

• კეთილთვისებიანი ნეოპლაზიები (მაგ., ფიბროადენომა, პოლიპი, ადენომა);

• რეაქტიული ან დეგენერაციული ცვლილებები.

წინასიმსივნური (პრემალიგნური) ცვლილებები: დისპლასტიკური ან სხვა პათოლოგიური ცვლილებები, რომლებიც ზრდის ავთვისებიანი ნეოპლაზიის განვითარების რისკს და საჭიროებს დინამიკურ მეთვალყურეობას ან აქტიურ ინტერვენციას.

ავთვისებიანი (მალიგნური) ცვლილებები: პათოლოგიური უჯრედები, რომლებიც ხასიათდება აგრესიული ზრდით. ავთვისებიანი პროცესის დიაგნოსტიკისას დასკვნაში მიეთითება სიმსივნის ჰისტოლოგიური ტიპი და დიფერენცირების ხარისხი (გრადაცია). მნიშვნელოვანია აღინიშნოს, რომ ბიოფსიური მასალით სიმსივნის გავრცელების სრული შეფასება (სტადირება) ხშირად შეუძლებელია და საჭიროებს ოპერაციული მასალის შემდგომ პათომორფოლოგიურ კვლევას.

მნიშვნელოვანია გვახსოვდეს, რომ მცირე ზომის ან არაინფორმაციული ბიოფსიური ნიმუშის შედეგი, რომელიც „ნორმას“ უჩვენებს, სრულად არ გამორიცხავს დაავადების არსებობას, რადგან ნიმუში შესაძლოა არ იყოს წარმომადგენლობითი (არარეპრეზენტატიული). ასეთ შემთხვევებში, კლინიკური ეჭვის არსებობისას, რეკომენდებულია ბიოფსიის განმეორებითი ჩატარება.

ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის ანამნეზურ მონაცემებთან და სხვა დიაგნოსტიკური კვლევების შედეგებთან კომპლექსურად.

• იმუნოჰისტოქიმიური კვლევა (IHC);

• ციტოლოგიური კვლევა;

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• მოლეკულურ-გენეტიკური კვლევა (PCR, FISH);

• სიმსივნური მარკერები (სიმსივნის ეჭვის შემთხვევაში): კანცეროემბრიონული ანტიგენის განსაზღვრა სისხლში (CEA), ალფაფეტოპროტეინის განსაზღვრა სისხლში (AFP).

გამოყენებული წყაროები:

• medlineplus.gov - Skin Biopsy

• hopkinsmedicine.org - Biopsy Report

• clevelandclinic.org - Pathology Report

• ნინო ღულათავა - სამედიცინო დირექტორი;

• ალეკო ხარებაშვილი - ჰისტოპათოლოგიის განყოფილების უფროსი, პათოლოგანატომი;

• ლევან არჯევანიძე - კომერციული დირექტორი.