ფოლიუმის მჟავა Folic acid - არის B ჯგუფის წყალში ხსნადი ვიტამინი (B9), რომელიც მონაწილეობს ორგანიზმის ზრდისა და განვითარების პროცესებში. მისი როლი განსაკუთრებით მნიშვნელოვანია ნაყოფის განვითარებისთვის პრენატალურ პერიოდში. ფოლიუმის მჟავა აუცილებელია დნმ-სა და რნმ-ის სინთეზისთვის, მონაწილეობს სისხლის წითელი უჯრედებისა და ნერვული უჯრედების წარმოქმნაში, კრიტიკულად მნიშვნელოვანია ორსულობის ადრეულ პერიოდში ნაყოფის ტვინისა და ნერვული მილის სწორად ჩამოყალიბებისთვის (ამცირებს სპინა ბიფიდას და ანენცეფალიის რისკს). ფოლიუმის მჟავა აქვეითებს ჰომოცისტეინის დონეს ორგანიზმში, რის საშუალებითაც ამცირებს გულ-სისხლძარღვთა დაავადების განვითარების რისკს.

ფოლიუმის მჟავას (ფოლატი) შეიცავს ისეთი საკვები, როგორიცაა: ისპანახი, ბროკოლი, სალათის ფურცლები, ლობიო, ბარდა, ოსპი, ციტრუსები, ავოკადო, კაკალი. ყოველდღიურად აბსორბირებული ფოლიუმის დაახლოებით 20% მიღებულია საკვებთან ერთად, დანარჩენი სინთეზირდება ნაწლავის მიკროორგანიზმებით.

ფოლიუმის მჟავის დეფიციტის დროს დამახასიათებელია მაკროციტული, მეგალობლასტური ანემია. შრატში ფოლიუმის ნორმაზე დაბალი მაჩენებელი აღინიშნება აბორტების შემდგომ პერიოდში, ორსულობის დროს (იწვევს ნაყოფის ნერვული მილის პათოლოგიებს), ნეიროფსიქიატრიული დაავადებებისა და დემენციის დროს.