Bordetella pertussis-ის საწინააღმდეგო IgM ანტისხეულების დადებითი მაჩვენებელი შესაძლოა მიუთითებდეს:

• Bordetella pertussis-ით (ყივანახველა) ახლად გადატანილ ან მიმდინარე ინფექციაზე;

• ბოლო პერიოდში ჩატარებულ იმუნიზაციაზე ყივანახველის საწინააღმდეგოდ.

IgM ანტისხეულების უარყოფითი (ნორმის ფარგლებში) მაჩვენებელი შესაძლოა მიუთითებდეს:

• ინფექციის არარსებობაზე;

• კვლევის ძალიან ადრეულ ეტაპზე ჩატარებაზე, როდესაც ანტისხეულები ჯერ არ არის სეროკონვერსირებული;

• ინფექციის გადატანიდან ხანგრძლივი დროის გასვლაზე, როდესაც IgM-ის ტიტრი უკვე დაქვეითებულია.

მნიშვნელოვანია გასათვალისწინებელი:

• IgM ტესტს შესაძლოა ჰქონდეს ცრუ-დადებითი შედეგი, ამიტომ თერაპიული გადაწყვეტილება არ უნდა ეფუძნებოდეს მხოლოდ ამ კვლევას;

• ვაქცინაციით გამოწვეული იმუნური პასუხის გარჩევა ნამდვილი ინფექციისგან მხოლოდ IgM-ით შეუძლებელია;

• ბავშვებში სეროლოგიური კვლევა ნაკლებად სენსიტიურია, ამიტომ მათში უპირატესობა ენიჭება ნახველის ან ნაზოფარინგეალური ნაცხის PCR კვლევას.

კვლევის ჩატარების ოპტიმალური დროა დაავადების ის ეტაპი, როდესაც ხველა უკვე 2 კვირაზე მეტია გრძელდება.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• ბორდეტელა პერტუსისის (ყივანახველა) საწინააღმდეგო IgG ანტისხეულები;

• ბორდეტელა პერტუსისის (ნახველის) PCR კვლევა;

• ბორდეტელა პერტუსისის ბაქტერიოლოგიური კულტურა;

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP).

გამოყენებული წყაროები:

• cdc.gov - Pertussis (Whooping Cough): Laboratory Testing

• labcorp.com - Bordetella pertussis Antibodies, IgM

• ncbi.nlm.nih.gov - Seroprevalence of IgA and IgM antibodies to Bordetella pertussis

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.