20 ინჰალაციური ალერგენის პანელი (20 Inhalant Allergens) არის სისხლის სეროლოგიური გამოკვლევა, რომელიც ერთდროულად ზომავს ალერგენ-სპეციფიკურ იმუნოგლობულინ E-ს (sIgE) 20 ყველაზე გავრცელებული აეროალერგენის მიმართ. ინჰალაციური ალერგენები ორგანიზმში სასუნთქი გზებით ხვდება - ჩასუნთქვისას.

ალერგია ვითარდება მაშინ, როცა იმუნური სისტემა უვნებელ ნივთიერებას (ალერგენს) მავნე ფაქტორად აიდენტიფიცირებს და მის წინააღმდეგ IgE ანტისხეულებს გამოიმუშავებს. ხელახალი შეხებისას ეს ანტისხეულები იწვევენ ჰისტამინის გამოთავისუფლებას, რაც ალერგიულ სიმპტომებს განაპირობებს.

პანელში ჩვეულებრივ შედის ხეების, მარცვლოვანი ბალახებისა და სარეველების მტვერი, სახლის მტვრის ტკიპები, ობის სოკოს სპორები და შინაური ცხოველების ეპითელიუმი. სწორედ ეს ალერგენებია ალერგიული რინიტის (ცხვირის ალერგია), ალერგიული კონიუნქტივიტისა და ალერგიული ასთმის ხშირი მიზეზი.

სისხლში sIgE-ის განსაზღვრა განსაკუთრებით სასარგებლოა, როცა კანის სინჯების (პრიკ-ტესტი) ჩატარება შეუძლებელია - გავრცელებული დერმატოზების, ანტიჰისტამინური მკურნალობის ან ანაფილაქსიის მაღალი რისკის დროს.

sIgE-ის დონე მიუთითებს მხოლოდ სენსიბილიზაციაზე (მგრძნობელობაზე) და არ განსაზღვრავს ალერგიის სიმძიმეს - შედეგი აუცილებლად უნდა შეფასდეს კლინიკურ სიმპტომებთან ერთად.

პანელი შედგება:

ბალახები (Grass):

• g1 - სურნელოვანი მრავალთავა (Sweet Vernal Grass);

• g3 - სათითურა (Orchard Grass);

• g6 - ტიმოთი (Timothy Grass);

• g12 - კულტივირებული ჭვავი (Cultivated Grass).

ხეები (Trees):

• t2 - მურყანი (Alder);

• t3 - არყის ხე (Birch);

• t4 - თხილის ხე (Hazel);

• t7 - მუხის ხე (Oak).

სარეველა მცენარეები (Weeds):

• w1 - ამბროზია (Common Ragweed);

• w6 - აბზინდა (Mugwort);

• w9 - მრავალძარღვა (English Plantain).

ტკიპები (Mites):

• d1 - ტკიპა-Der.Pteronyssinus;

• d2 - ტკიპა-Der. Farinae.

ცხოველები (Animals):

• e1 - კატა (Cat);

• e2 - ძაღლი (Dog);

• e3 - ცხენი (Horse).

სოკოები და ობი (Molds & Fungi):

• m1 - სოკო-Penicillium notatum;

• m2 - სოკო-Cladosporium herbarum;

• m3 - სოკო-Aspergillus fumigatus;

• m6 - მცენარის პარაზიტი სოკო-Alternaria alternata.