Leishmania donovani-ის საწინააღმდეგო ანტისხეულების დადებითი მაჩვენებლის ინტერპრეტაცია:

• დადებითი შედეგი მიუთითებს Leishmania donovani-ის კომპლექსის პარაზიტთან კონტაქტზე და კლინიკურ სურათთან ერთად მხარს უჭერს ვისცერული ლეიშმანიოზის დიაგნოზს;

• დადებითი შედეგი არ წარმოადგენს დიაგნოსტიკის ან მკურნალობის მონიტორინგის ერთადერთ კრიტერიუმს.

ანტისხეულების უარყოფითი (გამოუვლენელი) მაჩვენებლის ინტერპრეტაცია:

• უარყოფითი შედეგი ლეიშმანიოზის დაბალ ალბათობაზე მიუთითებს, თუმცა დიაგნოზს სრულად არ გამორიცხავს;

• იმუნოკომპრომეტირებულ პაციენტებში ანტისხეულების ტიტრი ხშირად დაბალია ან ანტისხეულები საერთოდ არ დეტექტირდება - ამ შემთხვევაში უარყოფითი შედეგი კლინიკური სიფრთხილით უნდა შეფასდეს.

შედეგის ინტერპრეტაციის თავისებურებები:

• იშვიათად შესაძლებელია ცრუ-დადებითი შედეგი სხვა ინფექციების (ჯვარედინი რეაქტიულობის, მაგ. მალარიის) ფონზე;

• ანტისხეულები შესაძლოა სისხლში დარჩეს წარმატებული თერაპიის შემდეგაც, ამიტომ კვლევა არ გამოიყენება მკურნალობის ეფექტიანობის შესაფასებლად;

• მაღალი კლინიკური ეჭვის არსებობისას რეკომენდებულია პარაზიტოლოგიური დადასტურება ან სხვა დიაგნოსტიკური მეთოდის გამოყენება.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• ღვიძლის ფუნქციური სინჯები (ALT, AST, GGT, ALP, TBIL, DBIL);

• საერთო ცილის განსაზღვრა სისხლის შრატში (TP);

• ცილების ელექტროფორეზი;

• C-რეაქტიული ცილის განსაზღვრა სისხლის შრატში, რაოდენობრივი (CRP);

• ფერიტინის განსაზღვრა სისხლის შრატში (Ferritin);

• ძვლის ტვინის გამოკვლევა (პარაზიტის უშუალო გამოვლენისთვის);

• მალარიის გამომწვევის გამოვლენა (დიფერენციალური დიაგნოსტიკისთვის).

• Mayo Clinic Laboratories. Leishmaniasis (Visceral) Antibody, Serum.
• NCBI (NIH). Laboratory Diagnosis of Visceral Leishmaniasis.
• GetLabTest. Leishmania Ab's.

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.