კვლევისთვის მასალა იგზავნება ქალაქ უტრეხტის სამედიცინო აკადემიური ცენტრის UMC Utrecht-ის პათოლოგიურ დეპარტამენტში. University Medical Center Utrecht-ის პათოლოგიური დეპარტამენტი ერთ-ერთი წამყვანი აკადემიური დაწესებულებაა მთელს ევროპაში, რომელიც საერთაშორისო დონეზე წარმოადგენს ინოვაციური ციფრული პათოლოგიის ერთ-ერთ ფლანგს. დეპარტამენტი აღჭურვილია უახლესი, მაღალტექნოლოგიური აპარატურით და დაკომპლექტებულია მაღალი კვალიფიკაციის მქონე პათოლოგანატომთა მრავალპროფილიანი გუნდით. დიაგნოსტიკის პროცესში გამოიყენება თანამედროვე, საერთაშორისო გაიდლაინებში მოცემული რეკომენდაციები და მოლეკულური დიაგნოსტიკის უახლესი მეთოდები, რაც რთული და იშვიათი შემთხვევების დიაგნოსტიკის მაღალ სტანდარტს განაპირობებს.

კვლევა მოიცავს ციფრული (სკანირებული) WSI (Whole Slide Image) ფაილების ანალიზს. ციფრული კონსულტაცია საშუალებას იძლევა მასალის შეფასებისა მისი ფიზიკური გაგზავნის გარეშე, რაც ზოგავს დროსა და რესურსებს. ასევე ამცირებს ლოგისტიკურ სირთულეებს და რისკებს.

ციფრული (სკანირებული) WSI ფაილების გამოყენებით შესაძლებელი ხდება სურათების სწრაფი გაზიარება სპეციალისტებს შორის, რაც განსაკუთრებით მნიშვნელოვანია რთული ან იშვიათი შემთხვევების დროს. ეს მიდგომა ხელს უწყობს დიაგნოსტიკური სიზუსტის გაზრდას.