მულტიფოკალური ბიოფსიის ჰისტოპათოლოგიური დასკვნა აღწერს თითოეული ანატომიური წერტილიდან აღებული ნიმუშის მიკროსკოპულ მორფოლოგიას ინდივიდუალურად და ადგენს დიაგნოზს თითოეული ლოკალიზაციისთვის. შედეგი თითოეული უბნისთვის კლასიფიცირდება შემდეგი კატეგორიების მიხედვით:

ნორმა: შესაბამის ბიოფსიურ მასალაში პათოლოგიური ცვლილებები არ ფიქსირდება.

კეთილთვისებიანი ცვლილებები: ანთებითი, სპეციფიკური ინფექციური, რეაქტიული ან კეთილთვისებიანი ნეოპლაზიური ცვლილებები.

წინასიმსივნური (პრემალიგნური) ცვლილებები: დისპლასტიკური ან სხვა პათოლოგიური პროცესები, რომლებიც ზრდის ავთვისებიანი ნეოპლაზიის განვითარების რისკს და საჭიროებს დინამიკურ მეთვალყურეობას ან აქტიურ ინტერვენციას.

ავთვისებიანი (მალიგნური) ცვლილებები: პათოლოგიური უჯრედები, რომლებიც გამოვლენილია ერთ ან მეტ ნიმუშში. მულტიფოკალური ბიოფსიის ფარგლებში მიღებული შედეგების შედარებითი ანალიზი საშუალებას იძლევა შეფასდეს პათოლოგიური პროცესის გავრცელების არეალი (ლოკალურია ის თუ დიფუზური).

მნიშვნელოვანია, რომ თითოეული წერტილიდან მიღებული შედეგები განიხილებოდეს კორელაციაში — ისინი ხშირად განსხვავდება ერთმანეთისგან, რაც დიაგნოსტიკური თვალსაზრისით გადამწყვეტია.

ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის ანამნეზურ მონაცემებთან და სხვა დიაგნოსტიკური კვლევების შედეგებთან კომპლექსურად.

• იმუნოჰისტოქიმიური კვლევა (IHC);

• ციტოლოგიური კვლევა;

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• მოლეკულურ-გენეტიკური კვლევა (PCR, FISH);

• სიმსივნური მარკერები (სიმსივნის ეჭვის შემთხვევაში): კანცეროემბრიონული ანტიგენის განსაზღვრა სისხლში (CEA), კარბოჰიდრატული ანტიგენის განსაზღვრა სისხლში CA 19-9.

გამოყენებული წყაროები:

• hopkinsmedicine.org - Biopsy Report

• clevelandclinic.org - Pathology Report

• medlineplus.gov - Skin Biopsy

• ნინო ღულათავა - სამედიცინო დირექტორი;

• ალეკო ხარებაშვილი - ჰისტოპათოლოგიის განყოფილების უფროსი, პათოლოგანატომი;

• ლევან არჯევანიძე - კომერციული დირექტორი.