ANA (Antinuclear Antibodies) - ანტისხეულები უჯრედის ბირთვის ანტიგენების მიმართ - წარმოადგენს აუტოანტისხეულების ჰეტეროგენულ ჯგუფს, რომლებიც მიმართულია უჯრედის ბირთვში მდებარე სხვადასხვა კომპონენტების (დნმ, ჰისტონები, ნუკლეარული პროტეინები, რიბონუკლეოპროტეინები) მიმართ.

ANA-ის გამოვლენა სისხლში არის ავტოიმუნური რევმატული დაავადებების (განსაკუთრებით სისტემური წითელი მგლურის) ძირითადი სკრინინგული ტესტი. სტანდარტული მეთოდი არის არაპირდაპირი იმუნოფლუორესცენცია (IIF) HEp-2 უჯრედებზე, რომელიც განსაზღვრავს როგორც ტიტრს, ისე - ანტისხეულების დამახასიათებელი ფლუორესცენციული სურათი (ჰომოგენური, წერტილოვანი, ნუკლეოლარული, ცენტრომერული, ციტოპლაზმური და ა.შ.), რომელიც განსაზღვრავს დაავადების სავარაუდო ხასიათს.

ANA მაღალი მგრძნობელობის ტესტია - სისტემური წითელი მგლურის (SLE) მქონე პაციენტების 95-100%-ში ის დადებითია. თუმცა, ANA დაბალი სპეციფიკურობით გამოირჩევა - დადებითი შედეგი შესაძლოა გამოვლინდეს ჯანმრთელ ადამიანებშიც (განსაკუთრებით ხანდაზმულ ასაკში), სხვა ავტოიმუნური დაავადებებისა და ინფექციების დროს. ამიტომ დადებითი ANA ტესტი ყოველთვის მოითხოვს დამატებით, უფრო სპეციფიკურ ანტისხეულების ტესტირებას (ANA პანელი - Anti-dsDNA, Anti-Sm, Anti-SSA/Ro, Anti-SSB/La, Anti-Scl-70, Anti-Jo-1 და ა.შ.) დიაგნოზის დასაზუსტებლად.