კვლევის შესახებ
<p> <strong>B ჰეპატიტი</strong> არის ღვიძლის ვირუსული დაავადება, რომელიც გამოწვეულია B ჰეპატიტის ვირუსით (HBV). ვირუსი ვრცელდება სისხლისა და ბიოლოგიური სითხეების მეშვეობით - დაუცველი სქესობრივი კავშირით, ინფიცირებული სამედიცინო ინსტრუმენტებით (მათ შორის ნემსებით), ვერტიკალური გადაცემის გზით (დედიდან ახალშობილზე). B ჰეპატიტი შეიძლება იყოს მწვავე (ხანმოკლე) ან გადავიდეს ქრონიკულ ფორმაში (6 თვეზე მეტი ხანი), რასაც შესაძლოა ახლდეს გრძელვადიანი გართულებები - ღვიძლის ციროზი, ღვიძლის უკმარისობა, ჰეპატოცელულარული კარცინომა.</p><p> </p><p> HBsAg (Hepatitis B surface antigen, B ჰეპატიტის ზედაპირული ანტიგენი) არის B ჰეპატიტის ვირუსის ზედაპირზე მდებარე ცილა. იგი წარმოადგენს უპირველეს სეროლოგიურ მარკერს, რომელიც სისხლში ჩნდება ინფიცირებიდან 1-9 კვირის შემდეგ (საშუალოდ - 4 კვირაში) და მიუთითებს B ჰეპატიტის აქტიურ ინფექციაზე - მწვავე ან ქრონიკული ფორმის სახით.</p><p> </p><p> HBsAg-ის ანალიზი ფართოდ გამოიყენება როგორც დიაგნოსტიკისთვის, ასევე სკრინინგისთვის. CDC-სა და WHO-ს რეკომენდაციების მიხედვით, B ჰეპატიტის სკრინინგი რეკომენდებულია ყველა მოზარდისა და ზრდასრულისთვის (≥18 წლის ასაკში). ორსული ქალისთვის HBsAg-ის ტესტირება სავალდებულოა ყველა ორსულობაზე - სასურველია ორსულობის პირველ ტრიმესტრში.</p><p> </p><p> თუ HBsAg შენარჩუნებულია 6 თვეზე მეტ ხანს, ეს მიუთითებს ქრონიკულ B ჰეპატიტზე.</p>
რა შემთხვევაში უნდა ჩაიტაროთ კვლევა?
<p><strong> კვლევის ჩატარება რეკომენდებულია:</strong></p><p> </p><p> • B ჰეპატიტის ერთჯერადი სკრინინგი ყველა ზრდასრულისთვის (≥18 წლის) CDC-ის რეკომენდაციით;</p><p> • ყველა ორსული ქალისთვის - სასურველია ორსულობის პირველ ტრიმესტრში (ყოველ ორსულობაზე);</p><p> • B ჰეპატიტის სიმპტომები:</p><p> - კანისა და თვალის სკლერის გაყვითლება (სიყვითლე, იქტერუსი);</p><p> - მუქი ფერის შარდი;</p><p> - ღია ფერის ან გათეთრებული განავალი;</p><p> - მკვეთრად გამოხატული საერთო სისუსტე და დაღლილობა;</p><p> - უმადობა, გულისრევა, ღებინება;</p><p> - მუცლის ტკივილი (მარჯვენა ზედა კვადრატი);</p><p> - კუნთებისა და სახსრების ტკივილი;</p><p> - ცხელება.</p><p><strong> </strong></p><p><strong> რისკ-ფაქტორები:</strong></p><p> </p><p> • დაუცველი სქესობრივი კავშირი ან მრავალი სქესობრივი პარტნიორი;</p><p> • ნემსების ან ნარკოტიკების ინიექციური მოწყობილობების გაზიარება;</p><p> • B ჰეპატიტის ცნობილი ინფექციის მქონე პირთან კონტაქტი (სქესობრივი ან საოჯახო);</p><p> • HBsAg-დადებითი დედის შვილი (ახალშობილში სკრინინგი);</p><p> • პროფესიული ექსპოზიცია - სამედიცინო პერსონალი;</p><p> • ჰემოდიალიზის პაციენტები;</p><p> • HIV-ით ან C ჰეპატიტით ინფიცირებული პირები;</p><p> • ღვიძლის ფერმენტების მომატება უცნობი მიზეზით (ALT, AST);</p><p> • დონორების სკრინინგი (სისხლი, ორგანო, ქსოვილი, სპერმა);</p><p> • იმუნოდამთრგუნველი თერაპიის ან ქიმიოთერაპიის დაწყების წინ - HBV რეაქტივაციის რისკის შესაფასებლად;</p><p> • ენდემური ქვეყნებიდან მიგრანტები (HBsAg-ის გავრცელება ≥2%);</p><p> • B ჰეპატიტის ვაქცინაციამდე (პრე-ვაქცინური სკრინინგი);</p><p> • მამა-დედის გადატანილი/მიმდინარე B ჰეპატიტის ანამნეზი.</p>
როგორ მოვემზადოთ კვლევისთვის?
<p> სპეციფიური მომზადება არ არის საჭირო.</p>
კვლევის მეთოდოლოგია
"Alinity i (Abbott, USA)- chemiluminescent microparticle immunoassay (CMIA) - ავტომატური იმუნოლოგიური ანალიზატორი
ADVIA Centaur® XPT (Siemens Healthiness, Germany) - direct chemiluminescence methodology - ავტომატური იმუნოლოგიური ანალიზატორი"
კვლევის შესრულების დრო
5 საათი
