ნორმეტანეფრინის მაღალი მაჩვენებელი შესაძლოა გამოვლინდეს შემდეგ შემთხვევებში:

• ფეოქრომოციტომა (თირკმელზედა ჯირკვლის კატექოლამინ-მაპროდუცირებელი სიმსივნე);

• პარაგანგლიომა (თირკმელზედა ჯირკვლის გარეთ განვითარებული მსგავსი სიმსივნე);

• ნეიროგენული წარმოშობის სხვა სიმსივნეები (მაგ. ნეირობლასტომა);

• ცრუ მომატება - ძლიერი ფიზიკური ან ემოციური სტრესის, მძიმე პათოლოგიური მდგომარეობის ფონზე;

• ცრუ მომატება - ზოგიერთი მედიკამენტის (მაგ. გარკვეული ანტიდეპრესანტების), ასევე კოფეინის ან ნიკოტინის ინტერფერენციის ფონზე.

შედეგის ინტერპრეტაციის თავისებურებები:

• ნორმალური მაჩვენებელი ფეოქრომოციტომისა და პარაგანგლიომის არსებობას ფაქტობრივად გამორიცხავს, რადგან კვლევას ძალიან მაღალი სენსიტიურობა აქვს;

• ფეოქრომოციტომის იშვიათობის გამო, საშუალოდ ან მცირედ მომატებული შედეგი ხშირად ცრუ-დადებითია - ამიტომ მომატებული მაჩვენებელი, როგორც წესი, საჭიროებს დადასტურებას სხვა მეთოდით (მაგ. 24-საათიანი შარდის ფრაქციული მეტანეფრინების განსაზღვრით);

• ვალიდური შედეგისთვის მნიშვნელოვანია სისხლის სწორად აღება - სასურველია პაციენტი იყოს მოსვენებულ მდგომარეობაში, წოლით პოზიციაში.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• მეტანეფრინების ფრაქციული განსაზღვრა 24-საათიან შარდში;

• ვანილილ-ნუშის მჟავა (VMA), შარდში;

• კატექოლამინების (ადრენალინი, ნორადრენალინი, დოფამინი) განსაზღვრა;

• კორტიზოლის განსაზღვრა სისხლში (Cortisol);

• ალდოსტერონის განსაზღვრა სისხლში;

• კალციუმის განსაზღვრა სისხლში (Ca);

• გლუკოზის განსაზღვრა სისხლში (Glucose);

• სისხლის საერთო ანალიზი, ედს (CBC+ESR);

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻).

გამოყენებული წყაროები:

• testing.com - Plasma Free Metanephrines

• mayocliniclabs.com - Metanephrines, Fractionated, Free, Plasma

• ncbi.nlm.nih.gov - Is It Enough to Diagnose Pheochromocytoma by Measuring Urine Metanephrines Levels?

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.