ჰისტოპათოლოგიური დასკვნა წარმოადგენს დიაგნოსტიკური კვლევის საბოლოო დოკუმენტს, რომელიც აღწერს ქსოვილის მიკროსკოპულ სურათს და აყალიბებს კლინიკურ დიაგნოზს. პათომორფოლოგიური დასკვნა, როგორც წესი, კლასიფიცირდება შემდეგი კატეგორიების მიხედვით:

ნორმა (პათოლოგიური პროცესის გარეშე): ქსოვილის არქიტექტონიკა და უჯრედული მორფოლოგია შეესაბამება ფიზიოლოგიურ ნორმას; პათოლოგიური ან ნეოპლაზიური ცვლილებები არ ფიქსირდება.

კეთილთვისებიანი (არა-ნეოპლაზიური ან კეთილთვისებიანი ნეოპლაზიური) ცვლილებები:

• ანთებითი პროცესები (მწვავე ან ქრონიკული);

• სპეციფიკური ან არასპეციფიკური ინფექციური ცვლილებები;

• კეთილთვისებიანი ნეოპლაზიები (მაგ., ადენომა, ლიპომა, ფიბრომა) — ხასიათდება ინდოლენტური ზრდით და არ ახასიათებს მეტასტაზირება;

• რეაქტიული ან დეგენერაციული ცვლილებები.

წინასიმსივნური (პრემალიგნური) ცვლილებები: დისპლასტიკური ან სხვა პათოლოგიური ცვლილებები, რომლებიც ზრდის ავთვისებიანი ნეოპლაზიის განვითარების რისკს და საჭიროებს დინამიკურ მეთვალყურეობას ან აქტიურ მკურნალობას.

ავთვისებიანი (მალიგნური) ნეოპლაზიები: პათოლოგიური უჯრედები, რომლებიც ხასიათდება აგრესიული ზრდით, ინვაზიით და მეტასტაზირების პოტენციალით. ავთვისებიანი პროცესის დიაგნოსტიკისას დასკვნაში აუცილებლად მიეთითება:

• სიმსივნის ჰისტოლოგიური ტიპი;

• დიფერენცირების ხარისხი (გრადაცია) — განსხვავების ხარისხი ნორმალურ ქსოვილთან შედარებით;

• გავრცელების არეალი (ინვაზიის სიღრმე, ლიმფოვასკულური ან პერინევრული ინვაზია);

• რეზექციის კიდეების (margin) სტატუსი (სიმსივნური პროცესისგან თავისუფალია თუ არა);

• რეგიონულ ლიმფურ კვანძებში მეტასტაზური დაზიანების არსებობა.

ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის ანამნეზურ მონაცემებთან და სხვა დიაგნოსტიკური გამოკვლევების შედეგებთან კომპლექსურად.

• იმუნოჰისტოქიმიური კვლევა (IHC);

• ციტოლოგიური კვლევა;

• მოლეკულურ-გენეტიკური კვლევა (PCR, FISH);

• სიმსივნური მარკერები (სიმსივნის ეჭვის შემთხვევაში): კანცეროემბრიონული ანტიგენის განსაზღვრა სისხლში (CEA), ალფაფეტოპროტეინის განსაზღვრა სისხლში (AFP), კარბოჰიდრატული ანტიგენის განსაზღვრა სისხლში CA 19-9;

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP).

გამოყენებული წყაროები:

• clevelandclinic.org - Pathology Report

• hopkinsmedicine.org - Biopsy Report

• medlineplus.gov - Breast Biopsy

• ნინო ღულათავა - სამედიცინო დირექტორი;

• ალეკო ხარებაშვილი - ჰისტოპათოლოგიის განყოფილების უფროსი, პათოლოგანატომი;

• ლევან არჯევანიძე - კომერციული დირექტორი.