დადებითი შედეგი (ანტიგენი გამოვლენილია) შესაძლოა მიუთითებდეს:

• აქტიურ კრიპტოკოკულ ინფექციაზე (კრიპტოკოკემია);

• კრიპტოკოკულ მენინგიტზე ან მის მაღალ რისკზე (განსაკუთრებით – მაღალი მაჩვენებლის/ტიტრის შემთხვევაში);

• ფილტვის ან დისემინირებულ კრიპტოკოკოზზე.

მაღალი მაჩვენებელი ჩვეულებრივ ასოცირდება ინფექციის უფრო მძიმე, გავრცელებულ ფორმასთან და ცენტრალური ნერვული სისტემის ჩართულობის გაზრდილ ალბათობასთან. სისხლში დადებითი შედეგის შემთხვევაში რეკომენდებულია ცერებროსპინური სითხის გამოკვლევა მენინგიტის დასადასტურებლად ან გამოსარიცხად.

უარყოფითი შედეგი (ანტიგენი არ გამოვლენილა) შესაძლოა მიუთითებდეს:

• კრიპტოკოკული ინფექციის არარსებობაზე;

• ინფექციის ძალიან ადრეულ ეტაპზე, როდესაც ანტიგენის დონე ჯერ კიდევ დაბალია (კლინიკური ეჭვის შენარჩუნებისას რეკომენდებულია კვლევის განმეორება ან დამატებითი მეთოდები).

მნიშვნელოვანია, რომ კვლევის შედეგი ფასდება პაციენტის კლინიკურ მდგომარეობასთან, იმუნურ სტატუსსა და სხვა გამოკვლევებთან ერთად.

აღნიშნული კვლევა წარმოადგენს ანალიზის სასწრაფო (CITO) ვარიანტს: სამედიცინო შინაარსი და შედეგების ინტერპრეტაცია სტანდარტული კვლევის იდენტურია, განსხვავება მხოლოდ შესრულების დაჩქარებულ ვადაშია.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან (ანამნეზურ მონაცემებთან) და სხვა გამოკვლევების შედეგებთან ერთად.

• თავ-ზურგ-ტვინის (ცერებროსპინური) სითხის საერთო ანალიზი;

• კრიპტოკოკული ანტიგენის განსაზღვრა ცერებროსპინურ სითხეში (CrAg, CSF);

• სოკოვანი კულტურა (ნათესი) სისხლიდან და ცერებროსპინური სითხიდან;

• მიკროსკოპია ტუშით (India ink) ცერებროსპინურ სითხეში;

• CD4 T-ლიმფოციტების განსაზღვრა (ფლოუციტომეტრია);

• აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP).

გამოყენებული წყაროები:

• cdc.gov - About Cryptococcosis

• who.int - Guidelines for Diagnosing, Preventing and Managing Cryptococcal Disease

• ncbi.nlm.nih.gov - Serum Cryptococcal Antigen for Cryptococcal Meningitis

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.