ჰემოგლობინის ელექტროფორეზი აფასებს, თუ ჰემოგლობინის რომელი ტიპებია წარმოდგენილი და რა რაოდენობრივ თანაფარდობაში.

ნორმალური (პათოლოგიის გარეშე) შედეგი:

მოზრდილში ჭარბობს ჰემოგლობინი A, ჰემოგლობინი A2 მცირე წილით არის წარმოდგენილი, ხოლო ჰემოგლობინი F – მხოლოდ კვალისებრი რაოდენობით. პათოლოგიური ჰემოგლობინი არ ვლინდება.

პათოლოგიური შედეგი შესაძლოა მიუთითებდეს:

• ჰემოგლობინი S-ის გამოვლენა – ნამგლისებრუჯრედოვან დაავადებაზე (მაღალი წილით) ან ჰეტეროზიგოტურ მატარებლობაზე (ზომიერი წილით);

• ჰემოგლობინი C, E ან სხვა პათოლოგიური ვარიანტები – შესაბამის ჰემოგლობინოპათიებზე ან მათ მატარებლობაზე;

• ჰემოგლობინი A2-ის მომატება – ბეტა-თალასემიის ნიშანზე (მატარებლობა);

• ჰემოგლობინი F-ის მნიშვნელოვანი მომატება – ბეტა-თალასემიის მძიმე ფორმაზე ან ნაყოფისეული ჰემოგლობინის მემკვიდრულ შენარჩუნებაზე;

• ჰემოგლობინი A-ის დაქვეითება ჰემოგლობინი F-ის მაღალ დონესთან ერთად – თალასემიის უფრო მძიმე ფორმაზე;

• ჰემოგლობინი S-ისა და C-ის ერთდროული გამოვლენა – ნამგლისებრუჯრედოვან-C დაავადებაზე.

მნიშვნელოვანია, რომ Hb-ელექტროფორეზის შედეგი ყოველთვის უნდა შეფასდეს კლინიკურ სურათთან, სისხლის საერთო ანალიზთან და, საჭიროებისას, რკინის დეფიციტის გამორიცხვასთან ერთად – რკინადეფიციტური ანემია შესაძლოა შენიღბავდეს ან ცვლიდეს ცალკეული ჰემოგლობინის ფრაქციების მაჩვენებლებს. საჭიროების შემთხვევაში დიაგნოზის დასაზუსტებლად ტარდება გენეტიკური (დნმ) კვლევა.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• რეტიკულოციტების განსაზღვრა სისხლში (RET);

• ერითროციტების მორფოლოგიური შეფასება პერიფერიულ სისხლში;

• რკინის განსაზღვრა სისხლის შრატში (Iron);

• ფერიტინის განსაზღვრა სისხლის შრატში (Ferritin);

• ტრანსფერინის განსაზღვრა სისხლში (Transferrin);

• საერთო ბილირუბინის განსაზღვრა სისხლის შრატში (TBIL);

• არაკონიუგირებული ბილირუბინის განსაზღვრა სისხლის შრატში (IBIL);

• ლაქტატდეჰიდროგენაზის განსაზღვრა სისხლში (LDH);

• Haptoglobin, გაპტოგლობინი;

• ვიტამინ B12-ის განსაზღვრა სისხლში (Vitamin B12).

• ფოლიუმის მჟავას განსაზღვრა სისხლში (Folate).

გამოყენებული წყაროები:

• medlineplus.gov - Hemoglobin Electrophoresis

• hematology.org - Hemoglobin Electrophoresis in Sickle Cell Disease

• my.clevelandclinic.org - Hemoglobin Electrophoresis

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.