LDH-ის მომატება ქსოვილოვანი დაზიანების მაჩვენებელია და შესაძლოა აღინიშნოს:

• ჰემოლიზური ანემიებისას (ერითროციტების დაშლა);

• ღვიძლის დაავადებების დროს (ჰეპატიტი, ციროზი);

• მიოკარდიუმის დაზიანების დროს;

• თირკმლის დაავადებების დროს;

• კუნთების დაზიანების (ტრავმა, ანთება) დროს;

• ფილტვის არტერიის თრომბოემბოლიის ან ინფარქტის დროს;

• ონკოლოგიური დაავადებების დროს (ლიმფომა, ლეიკოზი, სხვადასხვა სოლიდური სიმსივნე);

• მწვავე ინფექციებისა და სეფსისის დროს;

• პანკრეატიტისა და ნაწლავის იშემიის დროს.

LDH-ის მომატება ასევე შესაძლოა გამოწვეული იყოს არაპათოლოგიური ფაქტორებით: ინტენსიური ფიზიკური დატვირთვით, ზოგიერთი მედიკამენტით, აგრეთვე - სისხლის ნიმუშის აღების ან დამუშავებისას ერითროციტების ინ ვიტრო ჰემოლიზით.

LDH-ის დაბალი დონე იშვიათია და ჩვეულებრივ კლინიკურ პრობლემას არ წარმოადგენს; ის შესაძლოა აღინიშნოს C ან E ვიტამინების მაღალი დოზით მიღებისას, აგრეთვე - იშვიათი გენეტიკური დარღვევის - LDH-ის დეფიციტის - ფონზე.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• სისხლის საერთო ანალიზი, ედს (CBC+ESR);

• რეტიკულოციტების განსაზღვრა სისხლში (RET);

• საერთო ბილირუბინის განსაზღვრა სისხლის შრატში (TBIL);

• ფერიტინის განსაზღვრა სისხლის შრატში (Ferritin);

• ღვიძლის ფუნქციური სინჯები (ALT, AST, GGT, ALP, TBIL, DBIL);

• კრეატინკინაზას განსაზღვრა სისხლში (CK);

• კრეატინკინაზას MB-ფრაქციის განსაზღვრა სისხლში (CK-MB);

• კრეატინინის განსაზღვრა სისხლის შრატში (Creatinine);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• შარდმჟავას განსაზღვრა სისხლის შრატში (Uric Acid);

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻).

გამოყენებული წყაროები:

• medlineplus.gov - LDH

• mayocliniclabs.com - LDH

• testing.com - LDH

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.