კვლევის შესახებ
ურეაპლაზმა (Ureaplasma) ხშირად ადამიანის ნორმალურ მიკროფლორას წარმოადგენს. რიგ შემთხვევებში იზრდება Ureaplasma Urealyticum - ის პოპულაცია, რაც იწვევს შარდ-სასქესო სისტემის ანთებითი დაავადებების განვითარებას. Ureaplasma Parvum ხშირად აღმოჩნდება კლინიკურად ჯანმრთელი ქალების უროგენიტალურ ტრაქტში. ურეაპლაზმა გადაიცემა ძირითადად სქესობრივი კავშირით, თუმცა იშვიათად შესაძლებელია ვერტიკალურად - დედიდან ნაყოფზე, მშობიარობის დროს.
რა შემთხვევაში უნდა ჩაიტაროთ კვლევა?
შემდეგი სიმპტომებისას:
- პროფილაქტიკური კვლევისას;
- დაავადებების უსიმპტომო მიმდინარეობის დროს;
- ხშირი შარდვისას;
- შარდვისას წვის დროს;
- შარდის შეუკავებლობისას;
- ვაგინალური გამონადენის დროს;
- საშვილოსნოს გარე ორსულობისას;
- ორსულობის შეწყვეტისას;
- ნაადრევი მშობიარობის დროს;
- უნაყოფობის მიზეზის დადგენისას (ქალი და მამაკაცი);
- ორსულობის დაგეგმვისას (ორივე პარტნიორი);
ინტერპრეტაცია
Ureaplasma Urealyticum-ის ან Ureaplasma Parvum-ის აღმოჩენა მამაკაცებში შესაძლოა მიუთითებდეს შემდეგ დაავადებებზე:
• ცისტიტი;
• პროსტატიტი;
• ურეთრიტი;
• სათესლეების და დანამატების ანთება.
Ureaplasma Urealyticum-ის ან Ureaplasma Parvum-ის აღმოჩენა ქალებში შესაძლოა მიუთითებდეს შემდეგ დაავადებებზე:
• საშოს, საშვილოსნოს ყელის, საშვილოსნო დანამატების ანთება;
• ურეთრიტი.გაითვალისწინეთ, რომ კვლევის შედეგი უნდა შეფასდეს მკურნალი ექიმის მიერ.
კვლევასთან ერთად ასევე ხშირად იტარებენ შემდეგ გამოკვლევებს:
როგორ მოვემზადოთ კვლევისთვის?
შარდის შეგროვებამდე, გთხოვთ, გაითვალისწინოთ შემდეგი:
შარდის პირველი ულუფა წინასწარი ჰიგიენური პროცედურების გარეშე.
უროგენიტალური ნაცხის აღებამდე, გთხოვთ, გაითვალისწინოთ შემდეგი:
ნაცხის აღების წინა დღეს არ გამოიყენოთ ვაგინალური სანთლები, ტაბლეტები და მალამოები;
ქალებში დაუშვებელია ტესტის ჩატარება მენსტრუალური ციკლის დროს;
კვლევის ჩატარებამდე 24 საათის განმავლობაში თავი შეიკავეთ სქესობრივი კონტაქტისაგან, არ გამოიყენოთ სპერმიციდი და ლუბრიკანტი;
მამაკაცები - ნაცხის აღებამდე არ მოშარდოთ 3 საათი.
ტესტის მეთოდოლოგია
მასალის ტიპი
- შარდი
- უროგენიტალური ნაცხი
კვლევის შესრულების დრო
ქვეყანა
საქართველო
