საკვერცხის სიმსივნის მარკერ HE4-ის მაღალი მაჩვენებელი შესაძლოა გამოვლინდეს შემდეგ შემთხვევებში:

• საკვერცხის ეპითელური კიბო (განსაკუთრებით - პროგრესირებად სტადიაზე);

• ენდომეტრიუმის (საშვილოსნოს შიდა გარსის) კარცინომა;

• ფილტვის კარცინომა;

• ზოგიერთი სხვა ავთვისებიანი ნეოპლაზმა;

• HE4-ის ზომიერი მომატება შესაძლოა ასოცირდებოდეს არაონკოლოგიურ მდგომარეობებთან - თირკმლის ქრონიკულ დაავადებასთან, ღვიძლის პათოლოგიებთან, ხანდაზმულ ასაკთან.

HE4-ის რეფერენსული მაჩვენებლის ინტერპრეტაცია:

• HE4-ის ნორმული მაჩვენებელი არ გამორიცხავს საკვერცხის კიბოს, განსაკუთრებით ადრეულ კლინიკურ სტადიაზე;

• HE4 იშვიათად მატულობს საკვერცხის მუცინური კარცინომისა და გერმინოგენული სიმსივნეების დროს - ამ შემთხვევებში ნორმული შედეგი არ გამორიცხავს ავთვისებიან პროცესს.

შედეგის ინტერპრეტაციის თავისებურებები:

• HE4 ყველაზე ინფორმაციულია CA 125-თან ერთად, ROMA (Risk of Ovarian Malignancy Algorithm) ინდექსის ფარგლებში;

• HE4-ის სერული კონცენტრაცია დამოკიდებულია ასაკსა და მენოპაუზურ სტატუსზე.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• კარბოჰიდრატული ანტიგენის განსაზღვრა სისხლში CA 125;

• ROMA ინდექსის გამოთვლა (HE4, CA 125);

• კარბოჰიდრატული ანტიგენის განსაზღვრა სისხლში CA 19-9;

• კარბოჰიდრატული ანტიგენის განსაზღვრა სისხლში CA 15-3;

• კანცეროემბრიონული ანტიგენის განსაზღვრა სისხლში (CEA);

• ალფაფეტოპროტეინის განსაზღვრა სისხლში (AFP);

• საერთო ბეტაქორიონული გონადოტროპინის განსაზღვრა სისხლში (β-hCG);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• კრეატინინი და eGFR, სისხლში.

• Testing.com. Human Epididymis Protein 4 (HE4).
• Mayo Clinic Laboratories. Human Epididymis Protein 4, Serum.
• NCBI (NIH). Evaluation of human epididymis protein 4 (HE4) and Risk of Ovarian Malignancy Algorithm (ROMA).

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.