გლიკირებული ჰემოგლობინის განსაზღვრა სისხლში (HbA1c)

გლიკირებული ჰემოგლობინის განსაზღვრა სისხლში (HbA1c)

ფასი: 50 ₾

კვლევის შესახებ

გლიკირებული ჰემოგლობინი (HbA1c) არის ადამიანის ჰემოგლობინის (Hb) მცირე კომპონენტი, რომელიც წარმოიქმნება არაფერმენტულად, გლუკოზის კონდენსაციით ჰემოგლობინ A-ს ბეტა-ჯაჭვებთან.

გლიკირებული (გლიკოზირებული) ჰემოგლობინის (HbA1c) დონე ასახავს გლუკოზის საშუალო კონცენტრაციას წინა პერიოდის განმავლობაში (დაახლოებით 8-12 კვირა, ინდივიდიდან გამომდინარე) და გაცილებით უკეთეს მაჩვენებელს იძლევა გლიკემიური კონტროლის ხანგრძლივი პერიოდის შესახებ, ვიდრე სისხლსა და შარდში გლუკოზის განსაზღვრა. დიაბეტით დაავადებულ პაციენტებს, რომლებსაც სისხლში გლუკოზის ძალიან მაღალი კონცენტრაცია აქვთ, 2-3-ჯერ მეტი HbA1c აღენიშნებათ, ვიდრე ჯანმრთელ ადამიანებს.

HbA1c-ის გაზომვას დღეს ფართოდ იყენებენ როგორც დიაბეტის სკრინინგის დროს, ასევე შაქრიანი დიაბეტის შემთხვევაში სისხლში გლუკოზის გრძელვადიანი კონტროლის მიზნით. გლიკირებული ჰემოგლობინი გვაძლევს შესაძლებლობას, შევაფასოთ შაქრიანი დიაბეტის კომპენსირების ხარისხი ბოლო 3 თვის განმავლობაში.

რა შემთხვევაში უნდა ჩაიტაროთ კვლევა?

კვლევის ჩატარება რეკომენდებულია შემდეგ შემთხვევებში:

• დიაბეტის სკრინინგისა და დიაგნოსტირებისას;

• დიაბეტის მკურნალობის მონიტორინგის დროს;

• დიაბეტის გართულებების განვითარების რისკის შეფასებისას.

ინტერპრეტაცია

HbA1c - გლიკირებული ჰემოგლობინის მაჩვენებელი იმატებს:

• ახლად დიაგნოზირებული ან ცუდად მართვადი შაქრიანი დიაბეტისას;

• ბოლო 2-3 თვის განმავლობაში ჰიპერგლიკემიის არსებობისას;

• რკინის, ვიტამინი B12-ის, ფოლიუმის მჟავის (Folate) დეფიციტის დროს;

• სპლენექტომიის დროს.

HbA1c - გლიკირებული ჰემოგლობინის მაჩვენებელი იკლებს:

• ჰიპოგლიკემიისას;

• მწვავე და ქრონიკული სისხლდენის დროს;

• თირკმლის უკმარისობისას;

• ანემიის დროს;

• ჰემოლიზური ანემიისას;

• სფეროციტოზისა და ჰიპერსპლენიზმის დროს;

• ორსულობისას;

• გარკვეული მედიკამენტების მიღების დროს;

• სისხლის გადასხმისას.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

კვლევასთან ერთად ასევე ხშირად იტარებენ შემდეგ გამოკვლევებს:

• ინსულინის განსაზღვრა სისხლში - Insulin;

• C-პეპტიდის განსაზღვრა სისხლში (C-peptide);

• გლუკოზა პლაზმაში - Glucose;

• ლიპიდების განსაზღვრა სისხლის შრატში (TCHOL, TG, LDL-CHOL, HDL-CHOL, VLDL-CHOL, AI);

• HOMA ინდექსი;

• გლუტამინმჟავა დეკარბოქსილაზას ანტისხეულები - Anti GAD a/b.

როგორ მოვემზადოთ კვლევისთვის?

კვლევისთვის სპეციფიური მომზადება არ არის საჭირო.

მასალის ტიპი

• სისხლი (შრატი)

კვლევის შესრულების დრო

3 საათი

ქვეყანა

საქართველო

ავტორი და წყარო

გამოყენებული წყაროები:

• medlineplus.gov - Hemoglobin A1C (HbA1c) Test

• mayocliniclabs.com - Hemoglobin A1c, Blood

• testing.com - Hemoglobin A1c Test

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.

კვლევის კატეგორია

ბიოქიმია
Phone