anti-GAD (გლუტამინმჟავას დეკარბოქსილაზას) ანტისხეულების დადებითი მაჩვენებელი შესაძლოა გამოვლინდეს შემდეგ შემთხვევებში:

• I ტიპის შაქრიანი დიაბეტი - ანტისხეულები გამოვლენილია ახლად დიაგნოსტირებული პაციენტების უმეტესობაში;

• მოზრდილთა ლატენტური აუტოიმუნური დიაბეტი (LADA);

• კუნთების რიგიდობის სინდრომი (Stiff Person Syndrome);

• აუტოიმუნური პოლიენდოკრინული სინდრომები;

• დიაბეტის განვითარების მაღალი რისკი ჯერ კიდევ ასიმპტომურ პირებში (ოჯახური ანამნეზის ფონზე).

ანტისხეულების უარყოფითი შედეგის ინტერპრეტაცია:

• anti-GAD ანტისხეულების არარსებობა არ გამორიცხავს I ტიპის დიაბეტს - აუტოიმუნური დიაბეტის დროს შესაძლოა სხვა ავტოანტისხეულები იყოს პოზიტიური;

• ანტისხეულების ტიტრი დაავადების პროგრესირებასთან ერთად შესაძლოა შემცირდეს;

• უარყოფითი შედეგი პაციენტში, რომელსაც აღენიშნება ჭარბი წონა ან სიმსუქნე, მეტყველებს II ტიპის დიაბეტის სასარგებლოდ.

სასურველია, კვლევა ჩატარდეს ინსულინოთერაპიის დაწყებამდე.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• გლუკოზის განსაზღვრა სისხლში (Glucose);

• გლიკირებული ჰემოგლობინის განსაზღვრა სისხლში (HbA1c);

• C-პეპტიდის განსაზღვრა სისხლში (C-peptide);

• ინსულინის განსაზღვრა სისხლში (Insulin);

• ჰომა ინდექსი (HOMA Index);

• თირეოტროპული ჰორმონის განსაზღვრა სისხლში (TSH);

• თირეოიდული პეროქსიდაზის საწინააღმდეგო ანტისხეულების განსაზღვრა სისხლში (anti-TPO);

• ქსოვილოვანი ტრანსგლუტამინაზას საწინააღმდეგო IgA ანტისხეულების განსაზღვრა სისხლში (ცელიაკია) (tTG IgA);

• კორტიზოლის განსაზღვრა სისხლში (Cortisol).

გამოყენებული წყაროები:

• ncbi.nlm.nih.gov - Association of Autoimmune Thyroid Disease with Anti-GAD Antibody Test Positivity

• sciencedirect.com - The potential of anti-glutamic acid decarboxylase antibodies in autoimmune diabetes

• leedsth.nhs.uk - Glutamic acid Decarboxylase (GAD) antibodies

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.