საერთო IgE-ის მომატება შესაძლოა აღინიშნოს:

• ალერგიული დაავადებების დროს (ალერგიული რინიტი, ბრონქული ასთმა, ჭინჭრის ციება);

• ატოპიური დერმატიტის (ეგზემის) დროს - IgE-ის დონე ხშირად ემთხვევა დაავადების სიმძიმეს;

• პარაზიტული (ჰელმინთური) ინფექციების დროს;

• ალერგიული ბრონქოპულმონური ასპერგილოზის დროს;

• ზოგიერთი იმუნოდეფიციტური მდგომარეობის დროს (მაგ. ჰიპერ-IgE სინდრომი);

• ზოგიერთი ვირუსული ინფექციისა და გარკვეული ონკოლოგიური დაავადების დროს.

საერთო IgE-ის ნორმალური ან დაბალი დონე ნაკლებად სავარაუდოს ხდის გამოხატულ ალერგიულ მდგომარეობას, თუმცა სრულად არ გამორიცხავს მას - ალერგიის მქონე ბევრ ადამიანს კონკრეტული ალერგენის მიმართ მომატებული IgE აქვს, ხოლო საერთო IgE ნორმის ფარგლებში რჩება.

საერთო IgE-ის ანალიზი არ აზუსტებს, კონკრეტულად რომელი ალერგენი იწვევს რეაქციას - ამის დასადგენად საჭიროა ალერგენ-სპეციფიკური IgE-ის კვლევა.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• იმუნოგლობულინ G-ის განსაზღვრა სისხლში (IgG);

• იმუნოგლობულინ M-ის განსაზღვრა სისხლში (IgM);

• იმუნოგლობულინ A-ის განსაზღვრა სისხლში (IgA);

• სისხლის საერთო ანალიზი, ედს (CBC+ESR);

• ეპშტაინ-ბარის ვირუსის საწინააღმდეგო IgG ანტისხეულების განსაზღვრა სისხლში (EBV IgG);

• ასკარიდას საწინააღმდეგო IgG ანტისხეულების განსაზღვრა სისხლში (Ascaris lumbricoides IgG);

• ტოქსოკარას საწინააღმდეგო IgG ანტისხეულების განსაზღვრა სისხლში (Toxocara IgG);

• ექინოკოკის საწინააღმდეგო IgG ანტისხეულების განსაზღვრა სისხლში (Echinococcus granulosus IgG).

გამოყენებული წყაროები:

• medlineplus.gov - IgE

• labcorp.com - Total IgE

• ncbi.nlm.nih.gov - Total IgE

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.