პაპ-ტესტის (პაპანიკოლაუს ტესტის) შედეგი ფასდება Bethesda-ს სისტემით და არის თვისობრივი (აღწერითი), რეფერენტული რიცხვითი ნორმების გარეშე.

ნორმა (NILM – უარყოფითი ინტრაეპითელური დაზიანების ან ნეოპლაზიური პროცესის მიმართ): ატიპიური ან ავთვისებიანი უჯრედები არ ვლინდება. შესაძლოა აღწერილ იქნეს კეთილთვისებიანი, რეაქტიული ან ანთებითი ცვლილებები.

პათოლოგიური ცვლილებების შემთხვევაში შესაძლოა გამოვლინდეს:

• ASC-US – გაურკვეველი მნიშვნელობის ატიპიური ბრტყელი უჯრედები;

• ASC-H – ატიპიური ბრტყელი უჯრედები, მაღალი ხარისხის დაზიანების გამორიცხვის გარეშე;

• LSIL – დაბალი ხარისხის ინტრაეპითელური დაზიანება;

• HSIL – მაღალი ხარისხის ინტრაეპითელური დაზიანება;

• AGC – ატიპიური ჯირკვლოვანი უჯრედები;

• ავთვისებიანი (ონკოლოგიური) უჯრედები (ბრტყელუჯრედოვანი კარცინომა ან ადენოკარცინომა).

ზოგჯერ შედეგი შესაძლოა იყოს „არაინფორმაციული“ – ამ შემთხვევაში კვლევის განმეორებაა საჭირო. პათოლოგიური შედეგი საბოლოო დიაგნოზი არ არის და მოითხოვს დამატებით კვლევებსა და კლინიცისტის შეფასებას.

ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.

• ადამიანის პაპილომავირუსის (HPV) დნმ-ის განსაზღვრა;

• პაპ ტესტი - საშვილოსნოს ყელის სითხეზე დაფუძნებული ციტოლოგია (LBC);

• საშვილოსნოს ყელის ბიოფსიის ჰისტოლოგიური გამოკვლევა;

• ციტოლოგიური გამოკვლევა;

• უჯრედული ბლოკის ტექნოლოგია.

გამოყენებული წყაროები:

• medlineplus.gov - Pap Smear

• aafp.org - The 2001 Bethesda System Terminology

• ncbi.nlm.nih.gov - Atypical Squamous Cells (ASC-US)

• ნინო ღულათავა - სამედიცინო დირექტორი;

• სოფიო თოფურიძე - ციტოლოგი;

• ლევან არჯევანიძე - კომერციული დირექტორი.