კვლევის შესახებ
უჯრედული ბლოკის (Cell Block) ტექნოლოგია არის ციტოლოგიური მასალის დამუშავების მოწინავე მეთოდი, რომლის დროსაც ნიმუშში არსებული უჯრედული მასა კონცენტრირდება და მუშავდება ჰისტოლოგიური სტანდარტების შესაბამისად - პარაფინის ბლოკის სახით. შემდგომში ამ ბლოკიდან ხდება სექციების (ჭრილების) მომზადება მიკროსკოპული ანალიზისთვის.
ეს მეთოდი ოპტიმალურად აერთიანებს ციტოლოგიისა და ჰისტოპათოლოგიის უპირატესობებს: იგი უზრუნველყოფს უჯრედული არქიტექტონიკის უკეთეს ვიზუალიზაციას, ზრდის დიაგნოსტიკურ მგრძნობელობას და, რაც გადამწყვეტია, იძლევა დამატებითი კვლევების — იმუნოჰისტოქიმიისა (IHC) და მოლეკულური ტესტების — ჩატარების საშუალებას.
უჯრედული ბლოკის ტექნოლოგია განსაკუთრებით ღირებულია მაშინ, როდესაც სტანდარტული ციტოლოგიური ნაცხი არაინფორმაციულია ზუსტი დიაგნოზისთვის. იგი ფართოდ გამოიყენება წვრილნემსიანი ასპირაციული ბიოფსიის (FNAC) და სეროზული სითხეების (პლევრალური, პერიტონეალური) ანალიზისთვის, განსაკუთრებით — ნეოპლაზიური პროცესის ტიპისა და პირველადი წყაროს იდენტიფიცირებისთვის.
რა შემთხვევაში უნდა ჩაიტაროთ კვლევა?
კვლევა რეკომენდებულია შემდეგ შემთხვევებში:
• ციტოლოგიური ნიმუშის დიაგნოსტიკური ღირებულების გაზრდა;
• იმუნოჰისტოქიმიური (IHC) ან მოლეკულური კვლევების ჩატარების საჭიროება;
• სიმსივნის ტიპისა და პირველადი წყაროს დაზუსტება;
• გაურკვეველი ან რთული ციტოლოგიური შემთხვევები;
• ორგანიზმის სითხეებში (პლევრალური, ასციტური) ავთვისებიანი უჯრედების შეფასება;
• წვრილი ნემსით ასპირაციული ბიოფსიის (FNAC) მასალის სრულფასოვანი გამოყენება;
• მეტასტაზური დაზიანების წყაროს დადგენა.
ინტერპრეტაცია
უჯრედული ბლოკი (Cell block) თავისთავად ცალკე „ნორმა/პათოლოგია“ შედეგს არ იძლევა – ის უჯრედული მასალის დამუშავების მეთოდია, რომელიც აუმჯობესებს ციტოლოგიური და დამატებითი კვლევების შედეგების სიზუსტეს.
ბლოკის შესწავლის შედეგი თვისობრივია (აღწერითი):
ნორმა (კეთილთვისებიანი პროცესი): ატიპიური ან ნეოპლაზიური უჯრედები არ ვლინდება.
პათოლოგიური სურათი: ვლინდება ატიპიური, საეჭვო ან ავთვისებიანი უჯრედები; იმუნოჰისტოქიმიური კვლევის დახმარებით ზუსტდება სიმსივნის ტიპი და, საჭიროების შემთხვევაში, პირველადი წყარო.
უჯრედული ბლოკი მნიშვნელოვნად ზრდის სწორი დიაგნოზის ალბათობას, განსაკუთრებით ჩვეულებრივ ნაცხთან შედარებით.
ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.
კვლევასთან ერთად ასევე ხშირად იტარებენ შემდეგ გამოკვლევებს:
როგორ მოვემზადოთ კვლევისთვის?
• კვლევისთვის სპეციალური მომზადება, როგორც წესი, საჭირო არ არის;
• კვლევა ტარდება უკვე აღებულ ციტოლოგიურ ნიმუშზე (ასპირატი, სითხე);
• მომზადება დამოკიდებულია ნიმუშის აღების მეთოდზე - დეტალები დააზუსტეთ ექიმთან;
• აცნობეთ ექიმს მიმდინარე მედიკამენტოზური თერაპიისა და სისხლის შედედების დარღვევების შესახებ.
ტესტის მეთოდოლოგია
მასალის ტიპი
კვლევის შესრულების დრო
ქვეყანა
ავტორი და წყარო
გამოყენებული წყაროები:
• ncbi.nlm.nih.gov - Cell Block Technique in Cytopathology
• ncbi.nlm.nih.gov - Cell Block and IHC in Effusion Cytology
• journals.plos.org - Cell Block IHC Diagnostic Efficacy
• ნინო ღულათავა - სამედიცინო დირექტორი;
• სოფიო თოფურიძე - ციტოლოგი;
• ლევან არჯევანიძე - კომერციული დირექტორი.
