იმუნოგლობულინ A-ის (IgA) მაჩვენებლის ინტერპრეტაცია დამოკიდებულია იმაზე, მისი დონე მომატებულია თუ დაქვეითებული.

IgA-ის მომატებული მაჩვენებელი შესაძლოა აღინიშნოს შემდეგ შემთხვევებში:

• ქრონიკული ინფექციები (განსაკუთრებით ლორწოვანი გარსების - სასუნთქი ან კუჭ-ნაწლავის ტრაქტის);

• ქრონიკული ღვიძლის დაავადებები (ციროზი, ალკოჰოლური ღვიძლის დაავადება);

• ქრონიკული ანთებითი დაავადებები (ნაწლავის ანთებითი დაავადებები, რევმატოიდული ართრიტი);

• IgA ნეფროპათია, ჰენოხ-შონლეინის პურპურა;

• მრავლობითი მიელომა (IgA ტიპის) და მონოკლონური გამაპათიები;

• აუტოიმუნური დაავადებები (სისტემური წითელი მგლურა).

IgA-ის დაქვეითებული მაჩვენებელი შესაძლოა აღინიშნოს შემდეგ შემთხვევებში:

• სელექციური IgA-ის დეფიციტი (ყველაზე გავრცელებული პირველადი იმუნოდეფიციტი);

• საერთო ცვალებადი იმუნოდეფიციტი (CVID);

• სხვა თანდაყოლილი (პირველადი) იმუნოდეფიციტები;

• ნეფროზული სინდრომი ან ენტეროპათია (ცილების დაკარგვა);

• იმუნოსუპრესიული თერაპია;

• ცალკეული მედიკამენტების გამოყენება.

მნიშვნელოვანი გასათვალისწინებელი:

• IgA-ის დონე ფიზიოლოგიურად დაბალია ჩვილებსა და მცირე ასაკის ბავშვებში და ასაკთან ერთად იმატებს;

• ცელიაკიის სეროლოგიური დიაგნოსტიკისას აუცილებელია საერთო IgA-ის წინასწარი განსაზღვრა, რადგან IgA-ის დეფიციტის შემთხვევაში tTG-IgA-ის შედეგი შესაძლოა ცრუ-უარყოფითი იყოს;

• სელექციური IgA-ის დეფიციტის მქონე პაციენტებში სისხლის კომპონენტების გადასხმისას არსებობს ანაფილაქსიური რეაქციის რისკი.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• იმუნოგლობულინ G-ის განსაზღვრა სისხლში (IgG);

• იმუნოგლობულინ M-ის განსაზღვრა სისხლში (IgM);

• იმუნოგლობულინ E-ის განსაზღვრა სისხლში (IgE);

• იმუნოგლობულინი D (IgD), სისხლში;

• ცილის ფრაქციები (ცილოვანი ელექტროფორეზი);

• იმუნოფიქსაცია (მონოკლონური გამაპათიების გამოვლენა);

• თავისუფალი მსუბუქი ჯაჭვები (Free Light Chains, κ/λ);

• ქსოვილოვანი ტრანსგლუტამინაზას საწინააღმდეგო IgA ანტისხეულების განსაზღვრა სისხლში (ცელიაკია) (tTG IgA);

• T- და B-ლიმფოციტების სუბპოპულაციები (ფლოუ-ციტომეტრია);

• კომპლემენტის C3 კომპონენტის განსაზღვრა სისხლში (Complement C3);

• კომპლემენტის C4 კომპონენტის განსაზღვრა სისხლში (Complement C4);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• ღვიძლის ფუნქციური სინჯები (ALT,AST,GGT,ALP,TBIL,DBIL).

გამოყენებული წყაროები:

• medlineplus.gov - Immunoglobulins Blood Test

• my.clevelandclinic.org - Immunoglobulin A (IgA)

• mayocliniclabs.com - Immunoglobulin A, Serum

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.