ფიზიკური თვისებები:

• გამჭვირვალე, მოყვითალო სითხე უფრო დამახასიათებელია ტრანსუდატისთვის;

• მღვრიე ან ჩირქოვანი სითხე მიუთითებს ინფექციურ პროცესზე (ექსუდატი, ემპიემა);

• ჰემორაგიული (სისხლიანი) სითხე შესაძლოა ასოცირდებოდეს ტრავმასთან, მალიგნიზაციასთან (სიმსივნე) ან ფილტვის არტერიის თრომბოემბოლიასთან;

• რძისებრი (ქილოზური) სითხე მიუთითებს ლიმფური სისტემის დაზიანებაზე (ქილოთორაქსი).

ბიოქიმიური მაჩვენებლები:

• ცილისა და LDH-ის (ლაქტატდეჰიდროგენაზა) მაღალი დონე დამახასიათებელია ექსუდატისთვის (ანთება, ინფექცია, ნეოპლაზია);

• დაბალი ცილა და LDH-ის აქტივობა მიუთითებს ტრანსუდატზე (გულის ქრონიკული უკმარისობა, ღვიძლის ციროზი, ნეფროზული სინდრომი);

• გლუკოზის დონის დაქვეითება ახასიათებს ინფექციურ პროცესს, რევმატოიდულ ანთებას ან მალიგნიზაციას;

• ამილაზას აქტივობის მომატება პლევრალურ ან ასციტურ სითხეში მიუთითებს პანკრეასის პათოლოგიაზე (მაგ., პანკრეატიტი).

მიკროსკოპული (ციტოლოგიური) გამოკვლევა:

• ნეიტროფილების სიჭარბე (ნეიტროფილია) მიუთითებს მწვავე ბაქტერიულ ინფექციაზე;

• ლიმფოციტების სიჭარბე (ლიმფოციტოზი) დამახასიათებელია ტუბერკულოზური ან ქრონიკული ანთებითი პროცესებისთვის;

• ატიპიური (სიმსივნური) უჯრედების აღმოჩენა მიუთითებს მალიგნურ პროცესზე;

• სინოვიალურ სითხეში კრისტალების იდენტიფიცირება ადასტურებს პოდაგრას ან ფსევდოპოდაგრას.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• საერთო ცილის განსაზღვრა სისხლის შრატში (TP);

• ალბუმინის განსაზღვრა სისხლის შრატში (ALB) - SAAG-ის გამოსათვლელად;

• ლაქტატდეჰიდროგენაზის განსაზღვრა სისხლში (LDH);

• გლუკოზის განსაზღვრა სისხლში (Glucose);

• ალფა-ამილაზას განსაზღვრა სისხლში (α-Amylase);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• შარდმჟავას განსაზღვრა სისხლის შრატში (Uric Acid) - სინოვიალური სითხის/პოდაგრის შემთხვევაში;

• ღვიძლის ფუნქციური სინჯები (ALT, AST, GGT, ALP, TBIL, DBIL) - ასციტის/ციროზის შემთხვევაში;

• გამონაჟონი სითხის ბაქტერიოლოგიური კვლევა.

გამოყენებული წყაროები:

• www.medlineplus.gov - Pleural Fluid Analysis

• www.ncbi.nlm.nih.gov - Pleural Fluid and Ascites Biochemistry

• my.clevelandclinic.org - Pleural Effusion

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.