შარდში ნატრიუმის (Na⁺) მომატებული დონე შესაძლოა გამოვლინდეს შემდეგ შემთხვევებში:

• შარდმდენი მედიკამენტების მიღება;

• თირკმელზედა ჯირკვლის უკმარისობა;

• თირკმლის მილაკოვანი დაზიანება (მარილის კარგვა);

• არაკომპენსირებული შაქრიანი დიაბეტი (ოსმოსური დიურეზი).

შარდში ნატრიუმის დაქვეითებული დონე შესაძლოა აღინიშნოს:

• დეჰიდრატაცია, ორგანიზმის სითხის დანაკლისი;

• გულის შეგუბებითი უკმარისობა;

• ღვიძლის ციროზი;

• ალდოსტერონის ჭარბი გამომუშავება (ჰიპერალდოსტერონიზმი).

შარდში კალიუმის (K⁺) დონის ცვლილებები შესაძლოა მიუთითებდეს:

• კალიუმის მომატება — მინერალოკორტიკოიდების (მაგ., ალდოსტერონის) ჭარბი მოქმედება, შარდმდენების მიღება;

• კალიუმის კლება — თირკმელზედა ჯირკვლის უკმარისობა (ადისონის დაავადება), კალიუმის მცირე მიღება საკვებიდან.

შარდში ქლორის (Cl⁻) და კალციუმის (Ca²⁺) დონის ცვლილებები ფასდება ნატრიუმისა და კალიუმის მაჩვენებლებთან, ასევე მჟავა-ტუტოვან სტატუსთან ერთად.

მნიშვნელოვანია, რომ შარდის ელექტროლიტების მაჩვენებლები მკვეთრად მერყეობს კვებისა და სითხის მიღების მიხედვით, ამიტომ ისინი ყოველთვის ფასდება სისხლის ელექტროლიტების შედეგებთან ერთად.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻);

• კრეატინინის განსაზღვრა შარდში (Creatinine, Urine);

• კრეატინინის განსაზღვრა სისხლის შრატში (Creatinine);

• შარდოვანას აზოტის განსაზღვრა სისხლში (BUN);

• შარდის საერთო ანალიზი (Urinalysis);

• გაზებისა და ელექტროლიტების განსაზღვრა სისხლში (BGA);

• ცილის განსაზღვრა 24-საათიან შარდში (Protein, 24h Urine);

• ალდოსტერონის განსაზღვრა სისხლში;

• რენინის განსაზღვრა სისხლში;

• კორტიზოლის განსაზღვრა სისხლში (Cortisol).

გამოყენებული წყაროები:

• medlineplus.gov - Electrolytes - urine

• ncbi.nlm.nih.gov - Henry's Clinical Diagnosis: Evaluation of renal function, water, electrolytes

• my.clevelandclinic.org - Electrolytes

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.