Fasciola hepatica-ს საწინააღმდეგო IgG ანტისხეულების დადებითი მაჩვენებლის ინტერპრეტაცია:

• დადებითი შედეგი მიუთითებს Fasciola-სთან კონტაქტზე და კლინიკურ სურათთან ერთად მხარს უჭერს ფასციოლოზის დიაგნოზს;

• ანტისხეულები შესაძლოა გამოვლინდეს დაავადების ადრეულ (ინვაზიურ-მიგრაციულ) ფაზაშიც, როდესაც ჰელმინთის კვერცხები განავალში ჯერ არ ჩანს.

IgG ანტისხეულების უარყოფითი (გამოუვლენელი) მაჩვენებლის ინტერპრეტაცია:

• უარყოფითი შედეგი ფასციოლოზის დაბალ ალბათობაზე მიუთითებს;

• ინფექციის ძალიან ადრეულ ეტაპზე ანტისხეულები შესაძლოა ჯერ არ იყოს სეროკონვერსირებული - უარყოფითი შედეგი დაავადებას სრულად არ გამორიცხავს.

შედეგის ინტერპრეტაციის თავისებურებები:

• ანტისხეულები შესაძლოა სისხლში დარჩეს გარკვეული პერიოდის განმავლობაში წარმატებული თერაპიის შემდეგაც;

• იშვიათად შესაძლებელია ჯვარედინი რეაქტიულობა სხვა პარაზიტული ინფექციების ფონზე;

• ანტისხეულების კვლევა ხშირად ფასდება პარაზიტის უშუალო გამოვლენასთან (განავალში კვერცხების კოპროლოგიურ კვლევასთან) ერთად.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• ღვიძლის ფუნქციური სინჯები (ALT, AST, GGT, ALP, TBIL, DBIL);

• იმუნოგლობულინ E-ის განსაზღვრა სისხლში (IgE);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• ექინოკოკის საწინააღმდეგო IgG ანტისხეულების განსაზღვრა სისხლში (Echinococcus granulosus IgG);

• ტოქსოკარას საწინააღმდეგო IgG ანტისხეულების განსაზღვრა სისხლში (Toxocara IgG);

• პარაზიტის კვერცხების ძიება განავალში;

• ნაღვლის მჟავები, შრატში.

• Public Health Ontario. Fasciola (Fascioliasis) - Microscopy and Antibody.
• NCBI (NIH). Immunodiagnosis of Human Fascioliasis: An Update of Concepts and Performances of the Serological Assays.
• PLOS Neglected Tropical Diseases. The Diagnosis of Human Fascioliasis by ELISA Using Recombinant Cathepsin L Protease.

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.