დადებითი შედეგი:

• ერთი ან რამდენიმე პარაზიტის ანტიგენის გამოვლენა მიუთითებს შესაბამისი პარაზიტით მიმდინარე აქტიურ ინფექციაზე;

• Entamoeba histolytica-ს დადებითი შედეგი განსაკუთრებულ კლინიკურ ყურადღებას მოითხოვს, რადგან ის ინვაზიური ამებიაზის (მათ შორის - ღვიძლის აბსცესის) გამომწვევია;

• დადებითი შედეგი შესაბამისი კლინიკური სიმპტომების ფონზე წარმოადგენს მკურნალობის დაწყების ჩვენებას.

უარყოფითი შედეგი:

• ნიშნავს, რომ ნიმუშში შესაბამისი პარაზიტების ანტიგენები არ გამოვლინდა;

• უარყოფითი შედეგი ინფექციას ბოლომდე არ გამორიცხავს (პარაზიტების ინტერმიტირებადი, ანუ წყვეტილი გამოყოფის გამო) და არ გამორიცხავს დიარეის სხვა (ბაქტერიულ, ვირუსულ ან სხვა პარაზიტულ) მიზეზებს;

• კლინიკური ეჭვის შენარჩუნებისას რეკომენდებულია გამოკვლევის განმეორება ან დამატებითი დიაგნოსტიკური მეთოდების გამოყენება.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• Giardia lamblia ანტიგენი, განავალში;

• განავლის მიკროსკოპული გამოკვლევა კვერცხებსა და პარაზიტებზე;

• ჰელიკობაქტერ პილორის ანტიგენის განსაზღვრა განავალში (Helicobacter pylori antigen);

• კალპროტექტინის განსაზღვრა განავალში (Calprotectin);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• ღვიძლის ფუნქციური სინჯები (ALT, AST, GGT, ALP, TBIL, DBIL) - ამებური ღვიძლის აბსცესის ეჭვისას;

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻) - დეჰიდრატაციის შესაფასებლად.

გამოყენებული წყაროები:

• www.cdc.gov - Cryptosporidiosis (Cryptosporidium)

• www.medlineplus.gov - Amebiasis (Entamoeba histolytica)

• www.ncbi.nlm.nih.gov - Detection of Cryptosporidium, Giardia & E. histolytica

• ნინო მაჭარაშვილი, MS, PhD - მიკრობიოლოგიის მიმართულების ხელმძღვანელი;

• ნინო ღულათავა - სამედიცინო დირექტორი;

• ლევან არჯევანიძე - კომერციული დირექტორი.