anti-TP-ის დადებითი (რეაქტიული) შედეგი მიუთითებს Treponema pallidum-თან (სიფილისის გამომწვევი ბაქტერია) კონტაქტზე. ის შესაძლოა აღინიშნოს:

• აქტიური სიფილისური ინფექციის დროს;

• წარსულში გადატანილი და ნამკურნალები ინფექციის დროს (ე.წ. „სეროლოგიური ნაწიბური“).

ვინაიდან ტრეპონემული ანტისხეულები წარმატებული მკურნალობის შემდეგაც ხშირად მთელი სიცოცხლის განმავლობაში პერსისტირებს, anti-TP ვერ ასხვავებს აქტიურ ინფექციას გადატანილისგან. ამიტომ დადებითი შედეგი ყოველთვის საჭიროებს დაზუსტებას არატრეპონემული ტესტით (მაგ. RPR), რომელიც ეხმარება ინფექციის აქტიურობის შეფასებასა და მკურნალობის მონიტორინგში.

უარყოფითი (არარეაქტიული) შედეგი ამცირებს სიფილისით ინფიცირების ალბათობას. თუმცა, ინფიცირების ადრეულ ეტაპზე (ე.წ. „ფანჯრის პერიოდში“ - ინკუბაციურ პერიოდში), როდესაც ორგანიზმს ჯერ არ აქვს გამომუშავებული საკმარისი ანტისხეულები, ტესტი შესაძლოა ჯერ კიდევ უარყოფითი იყოს. ბოლოდროინდელი შესაძლო კონტაქტის შემთხვევაში რეკომენდებულია ხელახალი კვლევა.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის ანამნეზთან და სხვა გამოკვლევებთან ერთად.

• Treponema pallidum-ის (სიფილისი) საწინააღმდეგო ანტისხეულების განსაზღვრა შრატში (anti-Treponema pallidum);

• RPR, თვისობრივი;

• RPR, რაოდენობრივი;

• Treponema pallidum-ის (სიფილისი) ჰემაგლუტინაციის ტესტი, თვისებრივი (TPHA, qualitative);

• Treponema pallidum-ის (სიფილისი) ჰემაგლუტინაციის ტესტი, რაოდენობრივი (TPHA, quantitative);

• აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo);

• B ჰეპატიტის ვირუსის ზედაპირული ანტიგენის განსაზღვრა სისხლში (HBsAg);

• C ჰეპატიტის ვირუსის საწინააღმდეგო ანტისხეულების განსაზღვრა სისხლში (anti-HCV).

გამოყენებული წყაროები:

• medlineplus.gov - Syphilis

• cdc.gov - Syphilis

• ncbi.nlm.nih.gov - Treponema pallidum rapid test

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.