C3-ის დაბალი მაჩვენებელი (ჰიპოკომპლემენტემია) ჩვეულებრივ მიუთითებს კომპლემენტის სისტემის გააქტიურებასა და მოხმარებაზე ან მის შემცირებულ წარმოქმნაზე ღვიძლის დაავადებების ფონზე. შესაძლო მიზეზებია:

• სისტემური წითელი მგლურა (სწმ) - განსაკუთრებით აქტიური ფაზის დროს, ხშირად ერთობლივად დაბალი C3 და C4;

• ლუპუს-ნეფრიტი;

• პოსტინფექციური (პოსტსტრეპტოკოკული) გლომერულონეფრიტი;

• მემბრანოპროლიფერაციული გლომერულონეფრიტი;

• ცილის გაჟონვა ნეფროზული სინდრომით;

• ბაქტერიული სეფსისი, შოკი, მენინგოკოკული ან გონოკოკული ბაქტერიემია;

• ვირუსული ინფექციები (განსაკუთრებით - C ჰეპატიტი, კრიოგლობულინემიასთან ერთად);

• სოკოვანი და პარაზიტული ინფექციები (მათ შორის - მალარია);

• ღვიძლის მძიმე უკმარისობა, ციროზი (შემცირებული სინთეზის გამო);

• ჰემოლიზურ-ურემიული სინდრომი, თრომბოზული თრომბოციტოპენიური პურპურა;

• თანდაყოლილი C3-ის დეფიციტი.

C3-ის მაღალი მაჩვენებელი (ჰიპერკომპლემენტემია) ხშირად დაკავშირებულია მწვავე ანთებითი პასუხის ფაზასთან, რადგან C3 არის მწვავე ფაზის ცილა. შესაძლო მიზეზებია:

• მწვავე ბაქტერიული ან ვირუსული ინფექციები;

• მწვავე ანთებითი დაავადებები (ნაწლავის ანთებითი დაავადებები, ვასკულიტი);

• ცხელება, ტრავმა, პოსტოპერაციული მდგომარეობა;

• ავთვისებიანი სიმსივნეები;

• თირკმლის მწვავე უარყოფა ტრანსპლანტაციის შემდეგ;

• შაქრიანი დიაბეტი, მეტაბოლური სინდრომი;

• ორსულობა.

C3-ის ცვლილებები არასპეციფიკურია და მათი ინტერპრეტაცია უნდა მოხდეს C4-ის და კლინიკური სურათის გათვალისწინებით. სწმ-ის მონიტორინგისთვის C3-ის და C4-ის დინამიკა განსაკუთრებით მნიშვნელოვანია დაავადების აქტივობის შესაფასებლად.

• კომპლემენტის C4 კომპონენტის განსაზღვრა სისხლში (Complement C4);

• ანტინუკლეარული ანტისხეულები (ANA);

• ANA 23, პანელი;

• ორჯაჭვიანი დნმ-ის საწინააღმდეგო IgG ანტისხეულების განსაზღვრა სისხლში (anti-dsDNA IgG);

• ანტინეიტროფილური ციტოპლაზმური ანტისხეულების განსაზღვრა სისხლში (pANCA, cANCA);

• რევმატოიდული ფაქტორის განსაზღვრა სისხლში (RF);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• სისხლის საერთო ანალიზი, ედს (CBC+ESR);

• კრეატინინის განსაზღვრა სისხლის შრატში (Creatinine);

• შარდის საერთო ანალიზი (Urinalysis);

• ცილის განსაზღვრა 24-საათიან შარდში (Protein, 24h Urine).

გამოყენებული წყაროები:

• medlineplus.gov - Complement component 3 (C3)

• medlineplus.gov - Complement Blood Test

• my.clevelandclinic.org - C3 Complement Blood Test

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.