ფიზიკური თვისებები:

• ნორმაში ლიქვორი გამჭვირვალე, უფერო სითხეა;

• მღვრიე ან მოყვითალო-მომწვანო ფერის ლიქვორი ხშირად მიუთითებს ბაქტერიულ ინფექციაზე (ლეიკოციტების ჭარბი რაოდენობა - პლეოციტოზი);

• სისხლიანი ან მოვარდისფრო-მოყვითალო (ქსანთოქრომული) ლიქვორი შესაძლოა მიუთითებდეს სუბარაქნოიდულ სისხლჩაქცევაზე.

უჯრედები (ციტოზი):

• ლეიკოციტების მომატება ნეიტროფილური ფორმების ჭარბობით დამახასიათებელია ბაქტერიული მენინგიტისთვის;

• ლეიკოციტების მომატება ლიმფოციტების ჭარბობით უფრო ვირუსული ან ტუბერკულოზური მენინგიტისთვისაა დამახასიათებელი;

• ერითროციტების არსებობა მიუთითებს სისხლჩაქცევაზე ან პუნქციისას სისხლძარღვის ტრავმაზე.

ცილა:

• ცილის მომატება (ჰიპერპროტეინორაქია) ახასიათებს ინფექციებს, ანთებით პროცესებს, ნეოპლაზმებსა და ზოგიერთ ნევროლოგიურ დაავადებას (მაგ., გიენ-ბარეს სინდრომი).

გლუკოზა:

• გლუკოზის დაქვეითება (ჰიპოგლიკორაქია) - განსაკუთრებით სისხლის გლუკოზის დონესთან თანაფარდობით - დამახასიათებელია ბაქტერიული, სოკოვანი და ტუბერკულოზური მენინგიტისთვის;

• ვირუსული მენინგიტის დროს გლუკოზის დონე, ჩვეულებრივ, ნორმის ფარგლებშია.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• გლუკოზის განსაზღვრა სისხლში (Glucose) - ლიქვორი/სისხლის შეფარდების გამოსათვლელად;

• საერთო ცილის განსაზღვრა სისხლის შრატში (TP);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• პროკალციტონინის რაოდენობრივი განსაზღვრა სისხლში (PCT);

• ლაქტატდეჰიდროგენაზის განსაზღვრა სისხლში (LDH);

• კვანტიფერონის განსაზღვრა სისხლში (QuantiFERON-TB Gold Plus) - ტუბერკულოზური მენინგიტის ეჭვისას;

• ლიქვორის ბაქტერიოლოგიური კვლევა და გრამის შეღებვა.

გამოყენებული წყაროები:

• www.medlineplus.gov - Cerebrospinal Fluid (CSF) Collection

• my.clevelandclinic.org - Cerebrospinal Fluid (CSF) Analysis

• www.aafp.org - Cerebrospinal Fluid Analysis

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.