სინოვიალური სითხის გამოკვლევის შედეგი ფასდება რამდენიმე მაჩვენებლის ერთობლიობით:

• გამჭვირვალე, ჩალისფერი, ბლანტი სითხე უჯრედების მცირე რაოდენობით - ნორმის ან არაანთებითი (მაგ., ოსტეოართრიტული) ცვლილების მახასიათებელია;

• მღვრიე სითხე ლეიკოციტების მომატებული რაოდენობით - მიუთითებს ანთებით პროცესზე (მაგ., რევმატოიდული ართრიტი, კრისტალური ართროპათია);

• ჩირქოვანი, მკვეთრად მღვრიე სითხე ლეიკოციტების ძალიან მაღალი რაოდენობით, ბაქტერიების ან დადებითი კულტურის ფონზე - მიუთითებს სეპტიკურ (ინფექციურ) ართრიტზე, რომელიც სასწრაფო სამედიცინო მდგომარეობაა;

• კრისტალების გამოვლენა - ნემსისებრი ფორმის კრისტალები დამახასიათებელია პოდაგრისთვის (შარდმჟავას კრისტალები), ხოლო რომბისებრი - ფსევდოპოდაგრისთვის (კალციუმ-პიროფოსფატის კრისტალები);

• ჰემორაგიული (სისხლიანი) სითხე - შესაძლოა მიუთითებდეს ტრავმაზე, ჰემართროზზე ან კოაგულოპათიაზე.

სითხის ბიოქიმიური მაჩვენებლების (გლუკოზის, ცილის) ცვლილებები ასევე ეხმარება ანთებითი და ინფექციური პროცესების შეფასებაში.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• შარდმჟავას განსაზღვრა სისხლის შრატში (Uric Acid);

• რევმატოიდული ფაქტორის განსაზღვრა სისხლში (RF);

• ანტინუკლეარული ანტისხეულები (ANA);

• ციკლური ციტრულინირებული პეპტიდის საწინააღმდეგო ანტისხეულების განსაზღვრა სისხლში (anti-CCP);

• გლუკოზის განსაზღვრა სისხლში (Glucose);

• გამონაჟონი სითხეების (პლევრალური, პერიკარდიალური, ასციტური, სინოვიალური) ფიზიკურ-ბიოქიმიური თვისებები და მიკროსკოპული გამოკვლევა;

• პროკალციტონინის რაოდენობრივი განსაზღვრა სისხლში (PCT).

გამოყენებული წყაროები:

• medlineplus.gov - Synovial Fluid Analysis

• ncbi.nlm.nih.gov - Synovial Fluid Analysis (StatPearls)

• testing.com - Synovial Fluid Analysis

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.