G6PD-ის აქტივობის დაბალი მაჩვენებელი (ფერმენტის დეფიციტი) შესაძლოა გამოვლინდეს შემდეგ შემთხვევებში:

• G6PD-ის მემკვიდრული დეფიციტი (გენეტიკური დარღვევა);

• ჟანგვითი სტრესის ფონზე ერითროციტების დაშლა (ჰემოლიზური ანემია), რომელიც შესაძლოა გამოწვეული იყოს ზოგიერთი მედიკამენტით, ინფექციით ან ფავით (ცერცვის მირთმევით).

შედეგის ინტერპრეტაციის თავისებურებები:

• აქტიური ჰემოლიზის (ჰემოლიზური კრიზის) დროს G6PD-ის აქტივობა შესაძლოა ცრუ ნორმალური ჩანდეს, რადგან ფერმენტ-დეფიციტური ერითროციტები უკვე დაშლილია, ხოლო ახალგაზრდა უჯრედებში (რეტიკულოციტებში) ფერმენტის შემცველობა მაღალია - ამიტომ სასურველია, კვლევა ჰემოლიზის ეპიზოდიდან რამდენიმე კვირის შემდეგ ჩატარდეს;

• ქალებში დეფიციტი შესაძლოა ნაწილობრივი იყოს და ფერმენტის აქტივობა ნორმის საზღვრებში გამოჩნდეს, რაც დიაგნოსტიკას ართულებს;

• ცოტა ხნის წინ ჩატარებული ჰემოტრანსფუზია ცრუ ნორმალურ შედეგს იძლევა.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• რეტიკულოციტების განსაზღვრა სისხლში (RET);

• საერთო ბილირუბინის განსაზღვრა სისხლის შრატში (TBIL);

• არაკონიუგირებული (არაპირდაპირი) ბილირუბინის განსაზღვრა სისხლის შრატში (IBIL);

• ლაქტატდეჰიდროგენაზის განსაზღვრა სისხლში (LDH);

• ჰაპტოგლობინი;

• კუმბსის პირდაპირი რეაქცია (DAT);

• ერითროციტების მორფოლოგიური შეფასება პერიფერიულ სისხლში.

გამოყენებული წყაროები:

• testing.com - G6PD

• ncbi.nlm.nih.gov - Comparison of Quantitative and Qualitative Tests for G6PD Deficiency

• ucsfhealth.org - Glucose-6-phosphate dehydrogenase test

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.