ბიოფსიური მასალის მომზადება არ წარმოადგენს დიაგნოსტიკურ დასკვნას — ეს არის ტექნოლოგიური პროცესი, რომელიც ამზადებს ბიოფსიურ მასალას ექიმი-პათოლოგის მიერ შემდგომი მიკროსკოპული შეფასებისთვის. შესაბამისად, ამ ეტაპზე ფასდება არა „ნორმა/პათოლოგია“, არამედ მზა პრეპარატის ტექნიკური ხარისხი და მისი ვარგისიანობა დიაგნოსტიკისთვის.

ხარისხიანი ბიოფსიური პრეპარატი ხასიათდება შემდეგი ნიშნებით:

• ნიმუშის ქსოვილოვანი არქიტექტონიკა სრულად არის შენარჩუნებული და მორფოლოგიურად იდენტიფიცირებადი;

• ნიმუში სწორად არის ორიენტირებული (განსაკუთრებით მნიშვნელოვანია კანისა და ლორწოვანის ბიოფსიებში);

• უჯრედული ბირთვები და ციტოპლაზმური კომპონენტები მკაფიოდ არის დიფერენცირებული შეღებვის შედეგად;

• მიკროსკოპული სექცია არის ოპტიმალური სისქის, ტექნიკური არტეფაქტების გარეშე.

არასრულფასოვანი პრეპარატი შესაძლოა გამოწვეული იყოს:

• ძალიან მცირე ზომის ან არაინფორმაციული (არა-რეპრეზენტატიული) ნიმუშით;

• ფიქსაციის დაგვიანებით ან არასაკმარისი ფიქსატით (ქსოვილის ავტოლიზი);

• თერმული (კოაგულაციური) არტეფაქტებით (ლაზერით ან ელექტროკოაგულაციით აღების შემთხვევაში);

• მექანიკური დესტრუქციით (ქსოვილის გაჭყლეტა ინსტრუმენტით) ან არასწორი ანატომიური ორიენტაციით.

აღნიშნულ შემთხვევაში, ზუსტი დიაგნოზის დასმის მიზნით, აუცილებელია ბიოფსიის გამეორება ან მასალის ხელახალი დამუშავება.

ლაბორატორიული კვლევის ხარისხობრივი მაჩვენებლები ყოველთვის უნდა შეფასდეს კლინიცისტის მიერ პაციენტის ანამნეზურ მონაცემებთან და სხვა დიაგნოსტიკური კვლევების შედეგებთან კომპლექსურად.

• ბიოფსიური მასალის ჰისტოპათოლოგიური დიაგნოსტიკა;

• იმუნოჰისტოქიმიური კვლევა (IHC);

• ციტოლოგიური კვლევა;

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP).

• მოლეკულურ-გენეტიკური კვლევა (PCR, FISH);

გამოყენებული წყაროები:

• medlineplus.gov - Skin Biopsy

• ncbi.nlm.nih.gov - Histology, Staining (StatPearls)

• hopkinsmedicine.org - Biopsy Report

• ნინო ღულათავა - სამედიცინო დირექტორი;

• ალეკო ხარებაშვილი - ჰისტოპათოლოგიის განყოფილების უფროსი, პათოლოგანატომი;

• ლევან არჯევანიძე - კომერციული დირექტორი.