ბორელია IgM ანტისხეულების მაღალი მაჩვენებელი (პოზიტიური) შესაძლოა გამოვლინდეს შემდეგ შემთხვევებში:

• ლაიმის დაავადების ადრეული აქტიური ფაზა (ინფიცირებიდან 2-6 კვირა);

• ლაიმის დაავადების ადრეული დისემინირებული სტადია (მრავლობითი ერითემები, ნევროლოგიური ან კარდიოლოგიური ფორმები);

• ცოტა ხნის წინ გადატანილი (3-6 თვის წინ) ბორელიოზი - IgM ანტისხეულები შესაძლოა პერსისტირებდეს რამდენიმე თვის განმავლობაში.

ცრუდადებითი IgM შესაძლოა გამოვლინდეს შემდეგი მდგომარეობების დროს (განსაკუთრებით - IgG-ის გარეშე):

• სხვა სპიროქეტოზები (სიფილისი, ლეპტოსპიროზი, რეციდიული ცხელება);

• ვირუსული ინფექციები (ეპშტაინ-ბარის ვირუსი - ინფექციური მონონუკლეოზი, ციტომეგალოვირუსი, HIV, ჰეპატიტი C, პარვოვირუსი B19, ჰერპესვირუსები);

• Helicobacter pylori-ს ინფექცია (ჯვარედინი რეაქცია);

• აუტოიმუნური დაავადებები (სისტემური წითელი მგლურა, რევმატოიდული ართრიტი);

• პოლიკლონური B-უჯრედული აქტივაცია;

• რევმატოიდული ფაქტორის ან კრიოგლობულინების მაღალი დონე;

• უახლესი ვაქცინაცია.

ბორელია IgM ანტისხეულების უარყოფითი მაჩვენებელი:

• ლაიმის დაავადების არარსებობა;

• ძალიან ადრეული სტადია (პირველი 2 კვირა) - სეროკონვერსიამდე;

• გვიანი (ქრონიკული) სტადია - IgM ჩვეულებრივ უარყოფითია, ხოლო IgG მაღალია;

• იმუნოსუპრესია (ანტისხეულების წარმოქმნის შეფერხება);

• ანტიბიოტიკოთერაპიის ადრეული ჩატარება.

სრულფასოვანი დიაგნოსტიკისთვის რეკომენდებულია ორსაფეხურიანი ალგორითმი: სკრინინგული ELISA/CLIA-ს კვლევა და დადებითი/სასაზღვრო შედეგის შემთხვევაში - დადასტურებითი იმუნობლოტი.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• ბორელიას საწინააღმდეგო IgG ანტისხეულები სისხლში (Borrelia burgdorferi IgG);

• Borrelia burgdorferi ვესტერნ-ბლოტი (IgG/IgM, დადასტურებითი);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• რევმატული სინჯები (CRP, RF, ASLO);

• ანტინუკლეარული ანტისხეულები (ANA);

• რევმატოიდული ფაქტორის განსაზღვრა სისხლში (RF);

• Treponema pallidum-ის (სიფილისი) საწინააღმდეგო ანტისხეულების განსაზღვრა შრატში (anti-Treponema pallidum);

• ლეპტოსპირას საწინააღმდეგო IgG/IgM ანტისხეულების განსაზღვრა სისხლში, სწრაფი ტესტი (Leptospira IgG/IgM);

• ეპშტაინ-ბარის ვირუსის საწინააღმდეგო IgM ანტისხეულების განსაზღვრა სისხლში (EBV IgM);

• ციტომეგალოვირუსი+F11+F10

გამოყენებული წყაროები:

• medlineplus.gov - Lyme Disease Tests

• cdc.gov - Lyme Disease Diagnosis and Testing

• ncbi.nlm.nih.gov - Lyme Disease (StatPearls)

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.