ჰისტოლოგიური და ციტოლოგიური პრეპარატების მომზადება არ წარმოადგენს დიაგნოსტიკურ დასკვნას — ეს არის ტექნოლოგიური პროცესი მასალის ექიმი-პათოლოგის მიერ შემდგომი მიკროსკოპული შეფასებისთვის. შესაბამისად, ამ ეტაპზე ფასდება არა „ნორმა/პათოლოგია“, არამედ პრეპარატის ტექნიკური ხარისხი და მისი ვარგისიანობა დიაგნოსტიკისთვის.

ხარისხიანი (დიაგნოსტიკისთვის ვარგისი) პრეპარატი ხასიათდება შემდეგი ნიშნებით:

• ქსოვილის არქიტექტონიკა შენარჩუნებულია და მორფოლოგიურად იდენტიფიცირებადი;

• უჯრედული ბირთვები და ციტოპლაზმური კომპონენტები მკაფიოდ არის დიფერენცირებული შეღებვის შედეგად;

• მიკროსკოპული სექცია არის ოპტიმალური სისქის, ნაოჭების, ბზარების ან ტექნიკური დეფექტების გარეშე;

• ფიქსაცია არის ადეკვატური — ქსოვილში არ აღინიშნება ავტოლიზის ან ჰიპერფიქსაციის ნიშნები.

არასრულფასოვანი (დიაგნოსტიკურად შეზღუდული) პრეპარატი შესაძლოა გამოწვეული იყოს:

• ფიქსაციის დაგვიანებით ან არასაკმარისი ფიქსატით (ქსოვილის შემდგომი ავტოლიზი);

• ტექნოლოგიური დამუშავების ან შეღებვის ხარვეზებით (სუსტი ან არათანაბარი შეღებვა);

• მცირე ზომის ან არაინფორმაციული ნიმუშით, თერმული (კოაგულაციური) არტეფაქტებით;

• მექანიკური დესტრუქციით (ქსოვილის გაჭყლეტა, ფრაგმენტაცია) მასალის აღების ან ლაბორატორიული დამუშავების დროს.

აღნიშნულ შემთხვევაში, ზუსტი დიაგნოზის დასმის მიზნით, აუცილებელია მასალის ხელახალი დამუშავება ან დამატებითი ბიოფსიური მასალის აღება.

ლაბორატორიული კვლევის ხარისხობრივი მახასიათებლები ყოველთვის უნდა შეფასდეს კლინიცისტის მიერ პაციენტის ანამნეზურ მონაცემებთან და სხვა დიაგნოსტიკური კვლევების შედეგებთან კომპლექსურად.

• ოპერაციული მასალის ჰისტოპათოლოგიური დიაგნოსტიკა;

• იმუნოჰისტოქიმიური კვლევა (IHC);

• ციტოლოგიური კვლევა;

• მოლეკულურ-გენეტიკური კვლევა (PCR, FISH);

• სიმსივნური მარკერები (სიმსივნის ეჭვის შემთხვევაში): კანცეროემბრიონული ანტიგენის განსაზღვრა სისხლში (CEA), ალფაფეტოპროტეინის განსაზღვრა სისხლში (AFP).

გამოყენებული წყაროები:

• ncbi.nlm.nih.gov - Histology, Staining (StatPearls)

• ncbi.nlm.nih.gov - Histology, Skin / Tissue Processing (StatPearls)

• hopkinsmedicine.org - Biopsy Report

• ნინო ღულათავა - სამედიცინო დირექტორი;

• ალეკო ხარებაშვილი - ჰისტოპათოლოგიის განყოფილების უფროსი, პათოლოგანატომი;

• ლევან არჯევანიძე - კომერციული დირექტორი.