პროგესტერონის მატება მენსტრუალური ციკლის ლუთეინურ ფაზაში ნორმალური მოვლენაა და მიუთითებს მომხდარ ოვულაციაზე. პროგესტერონის დონის მატება აღინიშნება ასევე ორსულობის დროს.

პროგესტერონის მომატება (ოვულაციისა და ორსულობის გარდა) შესაძლოა ასოცირდებოდეს თირკმელზედა ჯირკვლების ფუნქციის დარღვევასთან ან საკვერცხის ზოგიერთ ნეოპლაზიურ პროცესთან.

პროგესტერონის დაბალი დონე ლუთეინურ ფაზაში შესაძლოა მიუთითებდეს ოვულაციის არარსებობაზე (ანოვულაცია) ან ყვითელი სხეულის უკმარისობაზე, რაც ფერტილობის პრობლემების ერთ-ერთი მიზეზია.

ორსულობის დროს პროგესტერონის დაბალი დონე შესაძლოა ასოცირდებოდეს სპონტანური აბორტის საფრთხესთან ან საშვილოსნოსგარე (ექტოპიურ) ორსულობასთან.

პროგესტერონის დონე მენსტრუალური ციკლის სხვადასხვა ფაზაში მნიშვნელოვნად იცვლება, ამიტომ შედეგი ყოველთვის ფასდება ციკლის დღის, ორსულობის არსებობის, კლინიკური სურათისა და სხვა გამოკვლევების გათვალისწინებით.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის ანამნეზთან და სხვა გამოკვლევებთან ერთად.

• მალუთეინიზებელი ჰორმონის განსაზღვრა სისხლში (LH);

• ფოლიკულომასტიმულირებელი ჰორმონის განსაზღვრა სისხლში (FSH);

• ესტრადიოლის განსაზღვრა სისხლში (E2);

• პროლაქტინის განსაზღვრა სისხლში (PRL);

• საერთო ბეტაქორიონული გონადოტროპინის განსაზღვრა სისხლში (β-hCG);

• თირეოტროპული ჰორმონის განსაზღვრა სისხლში (TSH);

• 17-ჰიდროქსიპროგესტერონის განსაზღვრა სისხლში (17-OH Progesterone).

გამოყენებული წყაროები:

• medlineplus.gov - Progesterone Test

• medlineplus.gov - Serum progesterone

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.