β-hCG-ის გამოვლენა და მისი დონის სწრაფი მატება ჩვეულებრივ მიუთითებს ფიზიოლოგიურად მიმდინარე ორსულობაზე. ორსულობის ადრეულ ეტაპზე β-hCG-ის დონე დაახლოებით ყოველ 2–3 დღეში ორმაგდება.

β-hCG-ის მოსალოდნელზე დაბალი დონე ან მისი არასაკმარისი მატება დროში შესაძლოა მიუთითებდეს საშვილოსნოსგარე (ექტოპიურ) ორსულობაზე ან ორსულობის შეწყვეტის რისკზე (სპონტანურ აბორტზ).

β-hCG-ის მკვეთრად მაღალი დონე შესაძლოა აღინიშნებოდეს მრავალნაყოფიანი ორსულობის (მაგ., ტყუპების) ან ბუშტნამქერის ფაშარის (მოლარული ორსულობის) დროს.

β-hCG-ის მომატება არაორსულ ქალებსა და მამაკაცებში შესაძლოა მიუთითებდეს ზოგიერთ ონკოლოგიურ დაავადებაზე (მაგ., საკვერცხის ან სათესლე ჯირკვლის ზოგიერთ სიმსივნეზე).

მნიშვნელოვანია, რომ β-hCG-ის ერთჯერადი მაჩვენებელი ცალკე აღებული ნაკლებად ინფორმაციულია - დიდი მნიშვნელობა აქვს მაჩვენებლის ცვლილებას დროში, ამიტომ კვლევა ხშირად დინამიკაში მეორდება (ჩვეულებრივ 48–72 საათის ინტერვალით) და ფასდება ექოსკოპიურ მონაცემებთან ერთად.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• პროგესტერონის განსაზღვრა სისხლში (PROG);

• ესტრადიოლის განსაზღვრა სისხლში (E2);

• თავისუფალი ბეტაქორიონული გონადოტროპინის განსაზღვრა სისხლში (Free β-hCG);

• ორსულობასთან ასოცირებული სისხლის პლაზმის A პროტეინი (PAPP-A);

• ალფაფეტოპროტეინის განსაზღვრა სისხლში (AFP);

• სისხლის საერთო ანალიზი, ედს (CBC+ESR);

• თირეოტროპული ჰორმონის განსაზღვრა სისხლში (TSH).

გამოყენებული წყაროები:

• medlineplus.gov - HCG blood test - quantitative

• medlineplus.gov - Pregnancy Test

• my.clevelandclinic.org - Human Chorionic Gonadotropin (hCG)

• ncbi.nlm.nih.gov - Human Chorionic Gonadotropin (StatPearls)

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.