ძვლის ტვინის ასპირატის ნაცხის გამოკვლევა ტარდება May - Grünwald Giemsa-ს შეღებვის მეთოდით სინათლის მიკროსკოპის გამოყენებით. კვლევას ახორციელებს ექიმი ციტოპათოლოგი, პათოლოგანატომი ან ლაბორატორიული მედიცინის სპეციალისტი.

კვლევის შედეგი მოიცავს სისხლმბადი უჯრედების დათვლასა და მათი მორფოლოგიური თავისებურებების შეფასებას, რაც საშუალებას იძლევა განისაზღვროს ძვლის ტვინის უჯრედული შემადგენლობა და სიმწიფის ხარისხი.

კვლევა საშუალებას იძლევა გამოვლინდეს შემდეგი მდგომარეობები:

მწვავე და ქრონიკული ლეიკემია;

მიელოდისპლასტიკური სინდრომი;

მრავლობითი მიელომა;

ლიმფომა;

აპლასტიკური ანემია და სხვა სახის ანემიები;

მიელოფიბროზი;

მეტასტაზური პროცესები ძვლის ტვინში.

გაითვალისწინეთ, რომ კვლევის შედეგის შეფასება უნდა მოხდეს მკურნალი ექიმის მიერ.

ძვლის ტვინის უჯრედების გამოკვლევა Perls-ის მეთოდით.

• თამარ ღუჭაშვილი - ჰემატოპათოლოგიის სამსახურის უფროსი, პათოლოგანატომი;

• ნინო ღულათავა - სამედიცინო დირექტორი;

• ლევან არჯევანიძე - კომერციული დირექტორი.