24-საათიან შარდში გლუკოზის რაოდენობა ასახავს დღის განმავლობაში შარდით გამოყოფილ შაქარს. შედეგი ფასდება სისხლში გლუკოზის დონესთან ერთად.

შარდში გლუკოზის მაღალი მაჩვენებელი (გლუკოზურია) შესაძლოა გამოვლინდეს შემდეგ შემთხვევებში:

• შაქრიანი დიაბეტი (ტიპი 1, ტიპი 2) — სისხლში გლუკოზის მაღალი დონის ფონზე;

• გესტაციური (ორსულობის) დიაბეტი;

• ორსულობა — ფიზიოლოგიური მიზეზით, რადგან ორსულობისას თირკმლის გლუკოზური ზღურბლი მცირდება;

• თირკმლის გლუკოზურია — მემკვიდრული მდგომარეობა, როდესაც თირკმლის მილაკები ვერ რეაბსორბციას უკეთებენ გლუკოზას, თუმცა სისხლში მისი დონე ნორმალურია;

• ფანკონის სინდრომი და თირკმლის მილაკების სხვა დაზიანებები;

• კუშინგის სინდრომი;

• მძიმე სტრესი, დამწვრობა, სეფსისი;

• ნახშირწყლებით მდიდარი საკვების ჭარბი მიღება (დროებითი მომატება);

• ზოგიერთი მედიკამენტი (კორტიკოსტეროიდები, SGLT2 ინჰიბიტორები).

შარდში გლუკოზის ნორმული მაჩვენებელი არ გამორიცხავს შაქრიან დიაბეტს, ამიტომ შედეგი ყოველთვის ფასდება სისხლში გლუკოზის დონესთან ერთად. გლუკოზურია სისხლში გლუკოზის ნორმალურ დონეზე მიუთითებს თირკმლის მილაკების ფუნქციის დარღვევაზე.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• გლუკოზის განსაზღვრა სისხლში (Glucose);

• გლუკოზის განსაზღვრა პლაზმაში, ჭამამდე და ჭამის შემდეგ (Glucose, fasting and postprandial);

• გლიკირებული ჰემოგლობინის განსაზღვრა სისხლში (HbA1c);

• გლუკოზის ტოლერანტობის ტესტი, 75 გ-იანი დატვირთვა (OGTT 75 g);

• ინსულინის განსაზღვრა სისხლში (Insulin);

• C-პეპტიდის განსაზღვრა სისხლში (C-peptide);

• შარდის საერთო ანალიზი (Urinalysis);

• კრეატინინი და eGFR, სისხლში;

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻);

• ცილის განსაზღვრა 24-საათიან შარდში (Protein, 24h Urine).

გამოყენებული წყაროები:

• my.clevelandclinic.org - Glycosuria

• medlineplus.gov - Glucose in urine test

• ncbi.nlm.nih.gov - Renal Glycosuria

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.