დადებითი შედეგი:

• მიკროსკოპული კვლევისას Enterobius vermicularis-ის კვერცხების (ან ზრდასრული პარაზიტის) იდენტიფიცირება ადასტურებს ენტერობიოზს;

• დადებითი შედეგი წარმოადგენს მკურნალობის ჩვენებას; ხშირ შემთხვევაში აუცილებელია ოჯახის ყველა წევრის ერთდროული თერაპია.

უარყოფითი შედეგი:

• ნიშნავს, რომ აღებულ ნიმუშში (პერიანალურ ნაცხში) პარაზიტის კვერცხები ვერ გამოვლინდა;

• ერთჯერადი უარყოფითი შედეგი ინფექციას ბოლომდე არ გამორიცხავს, ვინაიდან კვერცხების გამოყოფა ინტერმიტირებადი (წყვეტილი) ხასიათისაა. სანდო შედეგისთვის რეკომენდებულია კვლევის განმეორება 3-6 თანმიმდევრულ დილას.

კვლევისთვის მასალის აღება უნდა მოხდეს დილის საათებში, ჰიგიენურ პროცედურებამდე და დეფეკაციამდე, შედეგის მაქსიმალური ინფორმაციულობის უზრუნველსაყოფად.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• განავლის მიკროსკოპული გამოკვლევა კვერცხებსა და პარაზიტებზე;

• სისხლის საერთო ანალიზი, ედს (CBC+ESR) - ეოზინოფილების შესაფასებლად;

• Giardia lamblia ანტიგენი, განავალში - თანმხლები ნაწლავური სიმპტომების შემთხვევაში;

• Crypto/Giardia/Entamoeba ანტიგენი, განავალში - დიფერენციალური დიაგნოსტიკისთვის.

გამოყენებული წყაროები:

• www.cdc.gov - Pinworm Infection (Enterobiasis)

• www.mayoclinic.org - Pinworm Infection, Diagnosis

• www.ncbi.nlm.nih.gov - Enterobius Vermicularis (StatPearls)

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.