კვლევის შედეგი ასახავს სისხლში C ჰეპატიტის ვირუსის რაოდენობას (ვირუსულ დატვირთვას).

ვირუსის აღმოჩენა (დადებითი შედეგი) ადასტურებს C ჰეპატიტის აქტიურ ინფექციას. ვირუსული დატვირთვის დონე შემდეგნაირად ფასდება:

• მაღალი ვირუსული დატვირთვა - სისხლში ვირუსის დიდი რაოდენობაა; მიუთითებს აქტიურ ინფექციასა და რეპლიკაციაზე;

• ვირუსული დატვირთვის კლება მკურნალობის ფონზე - მკურნალობაზე ადეკვატურ პასუხს ნიშნავს;

• ვირუსული დატვირთვის შენარჩუნება ან მატება მკურნალობის ფონზე - შესაძლოა მიუთითებდეს მკურნალობის არასაკმარის ეფექტზე ან მედიკამენტისადმი რეზისტენტობაზე.

ვირუსის აღმოუჩენელი დონე შესაძლოა ნიშნავდეს:

• აქტიური ინფექციის არარსებობას;

• წარმატებულ მკურნალობას (განკურნებას), თუ აღმოუჩენელი დონე შენარჩუნებულია მკურნალობის დასრულებიდან კლინიკურად განსაზღვრული დროის შემდეგ;

• ან ვირუსის იმდენად დაბალ რაოდენობას, რომ რაოდენობრივი მეთოდით ვერ იზომება (ამ შემთხვევაში დასაზუსტებლად მოლეკულური თვისობრივი ანალიზი გამოიყენება).

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის კლინიკურ მონაცემებთან (ანამნეზურ მონაცემებთან) და სხვა გამოკვლევების შედეგებთან ერთად.

• C ჰეპატიტის ვირუსის საწინააღმდეგო ანტისხეულების განსაზღვრა სისხლში (anti-HCV);

• ღვიძლის ფუნქციური სინჯები (ALT, AST, GGT, ALP, TBIL, DBIL);

• ალანინამინოტრანსფერაზის განსაზღვრა სისხლში (ALT/GPT);

• ასპარტატამინოტრანსფერაზის განსაზღვრა სისხლში (AST/GOT);

• ალბუმინის განსაზღვრა სისხლის შრატში (ALB);

• კოაგულოგრამა (PT, PI, INR, aPTT, Fibrinogen);

• სისხლის საერთო ანალიზი, ედს (CBC+ESR);

• ფერიტინის განსაზღვრა სისხლის შრატში (Ferritin);

• ალფაფეტოპროტეინის განსაზღვრა სისხლში (AFP);

• B ჰეპატიტის ვირუსის ზედაპირული ანტიგენის განსაზღვრა სისხლში (HBsAg);

• აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo).

გამოყენებული წყაროები:

• medlineplus.gov - Hepatitis C

• who.int - Hepatitis C

• ncbi.nlm.nih.gov - HCV RNA Assay

• ანა მაღრაძე - მოლეკულური გენეტიკისა და ციტოგენეტიკის განყოფილება;

• ნინო ღულათავა - სამედიცინო დირექტორი;

• ლევან არჯევანიძე - კომერციული დირექტორი.