შარდში სპილენძის მომატებული დონე შესაძლოა გამოვლინდეს შემდეგ შემთხვევებში:

• ვილსონის დაავადება (სპილენძის ცვლის მემკვიდრული დარღვევა) - დამახასიათებელია შარდში სპილენძის გამოყოფის მკვეთრი მატება;

• ღვიძლის ქოლესტაზური დაავადებები;

• მწვავე ანთებითი მდგომარეობები;

• ვილსონის დაავადების მკურნალობის (ქელატური თერაპიის) ფონზე - მკურნალობის საწყის ეტაპზე.

შარდში სპილენძის დაბალი დონე შესაძლოა აღინიშნოს:

• სპილენძის დეფიციტი (კვებითი უკმარისობა, მალაბსორბცია);

• მენკესის სინდრომი (სპილენძის ცვლის იშვიათი მემკვიდრული დარღვევა).

მნიშვნელოვანია, რომ შარდში სპილენძის მაჩვენებელი დამოუკიდებლად არ არის სპეციფიკური რომელიმე დაავადებისთვის. ვილსონის დაავადების დიაგნოსტიკისთვის ეს კვლევა ფასდება სისხლში სპილენძისა და ცერულოპლაზმინის დონესთან, ღვიძლის ფუნქციურ მაჩვენებლებთან, ხოლო საჭიროებისას - გენეტიკურ ტესტირებასა და ღვიძლის ბიოფსიის შედეგებთან ერთად.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.

• სპილენძის განსაზღვრა შრატში (Copper, Serum);

• ცერულოპლაზმინის განსაზღვრა სისხლში (Ceruloplasmin);

• ღვიძლის ფუნქციური სინჯები (ALT, AST, GGT, ALP, TBIL, DBIL);

• ალანინამინოტრანსფერაზის განსაზღვრა სისხლში (ALT/GPT);

• ასპარტატამინოტრანსფერაზის განსაზღვრა სისხლში (AST/GOT);

• სისხლის საერთო ანალიზი, ედს (CBC+ESR);

• კოაგულოგრამა (PT, PI, INR, aPTT, Fibrinogen);

• საერთო ბილირუბინის განსაზღვრა სისხლის შრატში (TBIL);

• კრეატინინის განსაზღვრა შარდში (Creatinine, Urine).

გამოყენებული წყაროები:

• medlineplus.gov - Ceruloplasmin Test

• ncbi.nlm.nih.gov - Monitoring of Copper in Wilson Disease

• testing.com - Copper

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.