კვლევის შედეგი შეიძლება იყოს:

• დადებითი (Positive) - მიუთითებს ახლახან გადატანილ (მწვავე) CMV-ინფექციაზე ან ლატენტური ინფექციის რეაქტივაციაზე. ორსულებში დადებითი შედეგი მოითხოვს დამატებით კვლევას (IgG ავიდობა, CMV DNA PCR) პირველადი და რეაქტივირებული ინფექციის გასარჩევად, რადგან ნაყოფისთვის რისკი მნიშვნელოვნად იცვლება;

• უარყოფითი (Negative) - მწვავე CMV-ინფექცია ნაკლებად სავარაუდოა. თუმცა, ადრეულ ეტაპზე (სეროლოგიური ფანჯარა) ცრუ უარყოფითი შედეგი შესაძლებელია;

• საეჭვო (Borderline / Equivocal) - რეკომენდებულია კვლევის გამეორება 1-2 კვირის შემდეგ.

IgM-ისა და IgG-ის ერთობლივი ინტერპრეტაცია:

• IgM (+) / IgG (−) - ახალი (მწვავე) ინფექცია, ადრეული ეტაპი;

• IgM (+) / IgG (+) - მწვავე ან სუბაკუტური ინფექცია, შესაძლო რეაქტივაცია;

• IgM (−) / IgG (+) - გადატანილი ინფექცია, იმუნიტეტი;

• IgM (−) / IgG (−) - ინფექცია არ გამოვლენილა (პირი მგრძნობიარეა).

ორსულობის დროს დადებითი IgM შედეგისას აუცილებელია IgG ავიდობის ტესტი: დაბალი ავიდობა მიუთითებს ახალ (პირველად) ინფექციაზე, ხოლო მაღალი ავიდობა - წარსულ ინფექციაზე.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან, რადიოლოგიურ და სხვა გამოკვლევებთან ერთად.

• ციტომეგალოვირუსის საწინააღმდეგო IgG ანტისხეულების განსაზღვრა სისხლში (CMV IgG);

• CMV IgG ავიდობა, სისხლში;

• CMV DNA (PCR), სისხლში/შარდში/ამნიოტიკურ სითხეში;

• ეპშტაინ-ბარის ვირუსის საწინააღმდეგო IgM ანტისხეულების განსაზღვრა სისხლში (EBV IgM);

• ეპშტაინ-ბარის ვირუსის საწინააღმდეგო IgG ანტისხეულების განსაზღვრა სისხლში (EBV IgG);

• ტოქსოპლაზმა გონდიის საწინააღმდეგო IgM ანტისხეულების განსაზღვრა სისხლში (Toxoplasma gondii IgM);

• ტოქსოპლაზმა გონდიის საწინააღმდეგო IgG ანტისხეულების განსაზღვრა სისხლში (Toxoplasma gondii IgG);

• წითურას ვირუსის საწინააღმდეგო IgM ანტისხეულების განსაზღვრა სისხლში (Rubella IgM);

• წითურას ვირუსის საწინააღმდეგო IgG ანტისხეულების განსაზღვრა სისხლში (Rubella IgG);

• მარტივი ჰერპესვირუსის საწინააღმდეგო IgM ანტისხეულების განსაზღვრა სისხლში (HSV-1/2 IgM);

• მარტივი ჰერპესვირუსის საწინააღმდეგო IgG ანტისხეულების განსაზღვრა სისხლში (HSV-1/2 IgG);

• სისხლის საერთო ანალიზი, ედს (CBC+ESR);

• ღვიძლის ფუნქციური სინჯები (ALT, AST, GGT, ALP, TBIL, DBIL);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo).

გამოყენებული წყაროები:

• medlineplus.gov - Cytomegalovirus (CMV) Tests

• mayocliniclabs.com - Cytomegalovirus (CMV) Antibodies, IgM and IgG, Serum

• mayoclinic.org - Cytomegalovirus (CMV) infection - Diagnosis & treatment

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.