IgM ანტისხეულების ინტერპრეტაცია (IgG-ანტისხეულების შედეგებთან ერთად):

• IgM (-) / IgG (-) - არ არის სამახსოვრო ანტისხეულები წითურის მიმართ, არ არის იმუნიტეტი. ორსული ქალები მიეკუთვნებიან რისკ-ჯგუფს;

• IgM (-) / IgG (+) - წარსულში გადატანილი ინფექცია ან ვაქცინაცია, არსებობს ხანგრძლივი იმუნიტეტი. ორსულობის პერიოდში ნაყოფი დაცულია;

• IgM (+) / IgG (-) - ახლახან გამოვლენილი მწვავე ინფექცია (პირველი 1-2 კვირა) ან ცრუ-დადებითი შედეგი. რეკომენდებულია განმეორებითი კვლევა 2-3 კვირაში IgG-ის სეროკონვერსიის გასაკონტროლებლად. დადასტურებული მწვავე ინფექციის შემთხვევაში ორსულობის დროს, საჭიროა ნაყოფის მდგომარეობის სრული შეფასება;

• IgM (+) / IgG (+) - მწვავე ინფექცია ან ხანდაზმული ინფექცია IgM-ის ნარჩენი დონით. რეკომენდებულია IgG ავიდურობის ტესტის ჩატარება ინფექციის ხანდაზმულობის დასადგენად:

 - დაბალი ავიდურობა - მიუთითებს ბოლო 4 თვის განმავლობაში მიღებულ ინფექციაზე (ორსულობის ფონზე საშიშროება ნაყოფისთვის);

 - მაღალი ავიდურობა - მიუთითებს 4 თვეზე ხანდაზმულ ინფექციაზე (ნაყოფისთვის რისკი მინიმალურია).

ცრუ-დადებითი IgM შედეგების მიზეზები:

• ჯვარედინი რეაქცია სხვა ვირუსულ ინფექციებთან (პარვოვირუსი B19, EBV, CMV, ენტეროვირუსები);

• რევმატოიდული ფაქტორის არსებობა;

• პოლიკლონური B-ლიმფოციტების სტიმულაცია;

• აუტოიმუნური დაავადებები;

• ცოტა ხნის წინ ჩატარებული MMR ვაქცინაცია (IgM შესაძლოა იყოს დადებითი 4-8 კვირის განმავლობაში);

• "მდგრადი" IgM ანტისხეულები წარსული ინფექციის შემდეგ.

ორსულობის დროს დადებითი IgM შედეგი მოითხოვს:

1. დადასტურებას რეფერენტულ ლაბორატორიაში სხვა მეთოდით; ეს გვინდა? სხვა ლაბორატორიაში ვაგზავნით ამ ჩანაწერით

2. IgG ავიდურობის ტესტის ჩატარებას;

3. IgG-ის ტიტრის დინამიკაში მონიტორინგს;

4. დადასტურებული პირველადი ინფექციის შემთხვევაში - ნაყოფზე ვერტიკალური გადაცემის რისკის შეფასებას (ამნიოცენტეზი წითურის PCR-ით);

5. სპეციალისტის (აკუშერ-გინეკოლოგი, ინფექციონისტი, გენეტიკოსი) კონსულტაციას შესაძლო ჩარევის შესახებ.

თანდაყოლილი წითურის სინდრომის (CRS) რისკი ორსულობის ვადასთან მიმართებაში:

• ორსულობის 12 კვირამდე - ძალიან მაღალი რისკი;

• 12-16 კვირა - მაღალი რისკი;

• 16-20 კვირა - ზომიერი რისკი;

• 20 კვირის შემდეგ - მინიმალური რისკი (CRS შედარებით იშვიათი).

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• წითურას ვირუსის საწინააღმდეგო IgG ანტისხეულების განსაზღვრა სისხლში (Rubella IgG);

• TORCH პანელი (ტოქსოპლაზმოზი, წითურა, ციტომეგალოვირუსი, ჰერპეს სიმპლექს ვირუსი);

• ტოქსოპლაზმა გონდიის საწინააღმდეგო IgM ანტისხეულების განსაზღვრა სისხლში (Toxoplasma gondii IgM);

• ტოქსოპლაზმა გონდიის საწინააღმდეგო IgG ანტისხეულების განსაზღვრა სისხლში (Toxoplasma gondii IgG);

• ციტომეგალოვირუსის საწინააღმდეგო IgM ანტისხეულების განსაზღვრა სისხლში (CMV IgM);

• ციტომეგალოვირუსის საწინააღმდეგო IgG ანტისხეულების განსაზღვრა სისხლში (CMV IgG);

• მარტივი ჰერპესვირუსის საწინააღმდეგო IgM ანტისხეულების განსაზღვრა სისხლში (HSV-1/2 IgM);

• მარტივი ჰერპესვირუსის საწინააღმდეგო IgG ანტისხეულების განსაზღვრა სისხლში (HSV-1/2 IgG);

• პარვოვირუს B19-ის საწინააღმდეგო IgM ანტისხეულების განსაზღვრა სისხლში (Parvovirus B19 IgM);

• პარვოვირუს B19-ის საწინააღმდეგო IgG ანტისხეულების განსაზღვრა სისხლში (Parvovirus B19 IgG);

• წითელას ვირუსის საწინააღმდეგო IgM ანტისხეულების განსაზღვრა სისხლში (Measles morbillivirus IgM);

• წითელას ვირუსის საწინააღმდეგო IgG ანტისხეულების განსაზღვრა სისხლში (Measles morbillivirus IgG);

• Rubella ვირუსის RNA (RT-PCR), სისხლში, ცხვირ-ხახის ნაცხში ან ამნიოტურ სითხეში;

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• ალანინამინოტრანსფერაზისა და ასპარტატამინოტრანსფერაზის განსაზღვრა სისხლში (ALT,AST).

გამოყენებული წყაროები:

• cdc.gov - Serology Testing for Rubella

• pmc.ncbi.nlm.nih.gov - Interpretation of rubella serology in pregnancy

• pmc.ncbi.nlm.nih.gov - Repeated Detection of Rubella Virus IgM Antibodies in Pregnancy

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.