კონიუგირებული (პირდაპირი) ბილირუბინის (D.BIL) მომატება სისხლში ძირითადად მიუთითებს ჰეპატოცელულურ დაზიანებაზე ან ნაღვლის გზების ობსტრუქციაზე.

კონიუგირებული ბილირუბინი იმატებს შემდეგი მდგომარეობების დროს:

• მწვავე ვირუსული ჰეპატიტი (A, B, C);

• ქრონიკული ჰეპატიტი;

• ღვიძლის ციროზი;

• ალკოჰოლური ღვიძლის დაავადება;

• იატროგენული (მედიკამენტური) ჰეპატოტოქსიკურობა;

• პირველადი ბილიარული ქოლანგიტი (PBC), პირველადი სკლეროზული ქოლანგიტი (PSC);

• ნაღვლის გზების ობსტრუქცია - ნაღველკენჭოვანი დაავადება, ნაღვლის გზების სტრიქტურა;

• პანკრეასის თავის ნეოპლაზია;

• ნაღვლის გზების სიმსივნე (ქოლანგიოკარცინომა);

• ღვიძლის ნეოპლაზიები (პირველადი ან მეტასტაზური);

• იშვიათი მემკვიდრული მდგომარეობები - დუბინ-ჯონსონისა და როტორის სინდრომები;

• სეფსისი ან მძიმე სისტემური ინფექცია;

• ორსულთა ინტრაჰეპატური ქოლესტაზი.

თუ მომატებულია მხოლოდ არაკონიუგირებული (ინდირექტული) ბილირუბინი, ხოლო კონიუგირებული ნორმის ფარგლებშია, ეს ხშირად მიუთითებს:

• ერითროციტების მომატებულ ჰემოლიზზე (ჰემოლიზური ანემია);

• ჟილბერის სინდრომზე - კეთილთვისებიანი მემკვიდრული მდგომარეობა;

• ფიზიოლოგიურ ნეონატალურ (ახალშობილთა) სიყვითლეზე.

კონიუგირებული ბილირუბინის დაბალი მაჩვენებელი კლინიკურად მნიშვნელოვან ინფორმაციას არ შეიცავს.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• საერთო ბილირუბინის განსაზღვრა სისხლის შრატში (TBIL);

• არაკონიუგირებული (არაპირდაპირი) ბილირუბინის განსაზღვრა სისხლის შრატში (IBIL);

• ალანინამინოტრანსფერაზის განსაზღვრა სისხლში (ALT/GPT);

• ასპარტატამინოტრანსფერაზის განსაზღვრა სისხლში (AST/GOT);

• ტუტე ფოსფატაზის განსაზღვრა სისხლში (ALP);

• გამაგლუტამილტრანსფერაზის განსაზღვრა სისხლში (gGT);

• ალბუმინის განსაზღვრა სისხლის შრატში (ALB);

• საერთო ცილის განსაზღვრა სისხლის შრატში (TP);

• პროთრომბინის დროის განსაზღვრა სისხლში (PT);

• B ჰეპატიტის ვირუსის ზედაპირული ანტიგენის განსაზღვრა სისხლში (HBsAg);

• C ჰეპატიტის ვირუსის საწინააღმდეგო ანტისხეულების განსაზღვრა სისხლში (anti-HCV);

• სისხლის საერთო ანალიზი, ედს (CBC+ESR).

გამოყენებული წყაროები:

• medlineplus.gov - Bilirubin Blood Test

• mayocliniclabs.com - Bilirubin, Direct, Serum

• my.clevelandclinic.org - Bilirubin Test

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.